Sadaka barada biläýmeli zatlar
Sadaka barada biläýmeli zatlar
Fakyh Abulleýs aýtdy:
—Sadaka bermekde on sogap bardyr. Onuň bäşisi şu dünýäde, bäşisi bolsa
ahyrýetde berler.
Bu dünýäde beriljek bäş sogap şulardyr:
1.Maly haramdan päk eder.
2.Tenini günäden päk eder.
3.Belalary gaýtarar.
4.Sadaka alanda bendäniň göwni hoşwagt bolar. Bir bendäniň köňlüni hoşwagt
etmeklik haç edenden ýagşyrakdyr.
5.Malyny zyýada eder we ryskyny giň eder.
Ahyrýetde beriljek bäş sogap şulardyr:
1.Ol sadaka saýa bolar.
2.Kyýamatda hasaby ýeňil geler.
3.Terezide amalyny ölçände, sogaby agyr geler.
4.Syratdan aňsat öter.
5.Behiştde derejesi belent bolar.
Resul alaýhyssalam aýtdy:
—Sadaka sogabyna görä dürli-dürli bolýar. Birine bir sogap berler, birine
on, birine ýetmiş, birine ýüz, birine ýetmiş müň sogap berer, birine beriljek
sogabyň hasabyny Allatagaladan özge kişi bilmez.
Birine bir sogap berilýän sadaka budur ki, ony zalymlara we bozuklara
bermekdir.
Birine on sogap berilýän sadaka budur ki, ony sag-salamat pakyrlara
bermekdir.
Birine ýetmiş sogap berilýän sadaka budur ki, ony derwüşlere bermekdir.
Birine ýüz sogap berilýän sadaka budur ki, ony maýyp-müjriplere bermekdir.
Birine ýetmiş müň sogap berilýän sadaka budur ki, ony talyplara bermekdir.
Emma birine hasaby ýok sogap, asmana we ýere sygmaz—ol alymlara we
ölenleriň ruhuna berilýän sadakadyr. Her kim ölenlere sadaka berse, ol sadaka
sebäpli ölenlere Haktagala rehmet eder.
***
Resul alaýhyssalam aýtdy:
Üç zat üç zada ýakyndyr, üç zat üç zatsyz kabul bolmaz.
1.Namaz zekata ýakyndyr. Namaz zekatsyz we hüşürsiz kabul bolmaz.
2.Parz sünnete ýakyndyr. Parz sünnetsiz kabul bolmaz.
3.Taňry dilegi sadaka ýakyn kylypdyr. Dileg sadakasyz kabul bolmaz.
Arhiwiň ýagdaýy
● Doly tekst
● 13/13 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 2 awgust 2012 ý. · Asyl sahypany gör ↗
Teswirler 13
sag bol.gerekli zatlar eken
Allajan senden razy bolsun dost
Sadaka onda zalymlardyr bozgaklara-da berilse, kabul bolýan eken-dä. ýöne bir sogap berilýän eken.
Sagja Bol !
Ylym owrenyanin garisi altindanam bolsa irinji sadaka sona dusya.
Birem kariz alip sadaka bermek bolmaya.
gapisi
Dogrudanam biläýmeli möhüm zatlar eken. Sag bol, Ulumsy. +1
Sag bolun!
Allah teswirlerde yslamy temalary okamakdan ayyrmasyn. Omrun uzak bolsun
men kop teswirchiler blen ylalashyan we sheylede pikirim bar yagny bir maksat bilen B.Tangryng adyna sadaka beryang onga islendik adam shol sadaka gelip biler,yone sadaka pul gornushine komeksiz hassalara,ayal-gyz mashgala,chagalara yetimlere,talyplara w.s.m komek etseng mumkin gowy bolar.Yone minnetsiz bolmaly.Amerkanyng kop baylary beryan sadakasy bilen tanalyar eken.mena haladym!
Gaty gowy mowzuk. Haladym.
Zekat barada hem maglumat goýmak gerek. Çünki köp adamlar sadaka bilen zekaty bulaşdyrýarlar.
Dost gaty gowy yazypsyn.Berekella.Yöne menin kellame bir sorag geldi.
Ulymsy:
2.Parz sünnete ýakyndyr. Parz sünnetsiz kabul bolmaz.
Parz sünnetsiz kabul bolmayan bolsa Şafiler sünneti kılanoklar.İmam Şafi hazretlerinin yzy bilen gidyanler muny görmezlikden gelmezlera.Agzalar gaty görman welin kellame sorag geldida.Bilyaniniz bolsa bizede öwredinsene.
Haladym, sagboluň👍