Ady beýik Hudaý
Ady beýik Hudaý
Dünýädäki aýdymlar,
Diňe saňa aýdylsyn.
Öňden beýik adyňy,
Has-da beýige galdyrsyn.
Ady beýik Reb Hudaý
Şanyň dünýä ýaý Hudaý
Saňa aýdylan nagmany
Alyslara ger Hydaý.
Men-ä aşyk adyňa,
Ýene bat ber badyma,
Şatlyk goş göwün şadyma
Öwgä mynasyp Hudaý.
Arhiwiň ýagdaýy
● Doly tekst
● 13/13 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 2 awgust 2012 ý. · Asyl sahypany gör ↗
Teswirler 13
ÝOL
Ötegçi dost nirden gelýäň
Mundan haýsy ýana barýaň
Barýan ýoluň dogrudygyn
Ýa däldigin nirden bilýäň
Töweregňe nazar aýla
Hak saýýan ýoluň özüň saýla
Saýlan ýoluň hak ýol bolsa,
Adamlara şatlyk paýla.
Isa diýdi: “Men Ýolduryn
Hakykata barýandyryn
Bagt gapysyn kakýandyryn”
Indi ýoluň özüň saýla.
Aýlanyp dur çarhypelek
Tizräk oýlanmamyz gerek
Kä ýollar bar bolýar telek
Indi ýoluň özüň saýla.
Bir gapy giň, bir gapy dar
Giň gapa barýan ýolam giň,
Dar gapa barýan ýolam dar
Indi ýoluň özüň saýla.
Ýoluň saýlap bilmeýärmiň
Reb Hudaýa sala sal-ýa
Oň maslahatyn alýarmyň
Indi munam özüň saýla.
shahyr ekenina sylapmen
shahyr ekenina sylapmen
Birinji goshgyñy haladym, öziñ düzdiñmi?
Dr Jambo dost, bulary men yazmadym...yone elbetde yazylanlar mening hem gowun arzuwym...!
BIRAHATÝÜREK
Näme üçin aglaýaň
gussaly ýürek.
Sag-aman öreniňe
begenmä derek
Durmuş girdabyna
berk düşen bolsaň,
Hudaýyň öňünde dyza
çökmegiň gerek.
Bu dünýäň gerdişine
özüň oýnadyp,
Baýlygyň yzynda
gezdiň ganat galgadyp,
Duzaga düşeňde
galdyň aňňalyp,
Çykalgany Rebden
tapmagyň gerek.
Ynsan gursagynda
nalap, perwana bolýaň.
Kapasa düşen dek,
her ýan urunýaň.
Haraý gözläp daşyňa
intizar bakýaň
Haraýy Hudaýdan
gözlemäň gerek.
shahyr ekenina sylapmen
sylap yegen birinji goshgynga haladym +1
jambo beti boljak bolup kop dyzayangay
2-nji, 3-nji goshgularyny haladym +1. Gaty gowy ýazylypdyr. Ýüregim jüñküldäp gitdi 🙂
men plus bersemem ozume plus almak kyn bolya
bah gowja setirler eken
Günüňdir
Delalat agtaryp geldim ýanyňa,
Rebbim Seniň medet berer günüňdir
Ganlar döken gyljym salýan gynyna
Rebbim Seniň medet berer günüňdir
Nije menzil sökdüm garşyňa gidip,
Durmuş ýollarynda öz-özüm idip,
Bu gün Atam öýne geldim men gaýdyp,
Rebbim Seniň medet berer günüňdir.
Toba gözýaşlary ýuwdy ýüzümi
Günäň tümi gapan eken gözümi,
Takat kylyp diňle meniň sözümi
Rebbim Seniň medet berer günüňdir.
Didelerim diňe Saňa intizar,
Çünki dünýäň kületinden men bizar,
Bilýän, Atam, Sende durmuş gül-gülzar
Rebbim Seniň medet berer günüňdir.
Huzuryňda günälerme toba edýän,
Etmişlermiň baryn boýnuma alýan,
Ýüregimiň törün Saňa bagyş edýän
Rebbim Seniň medet berer günüňdir.
Ýaradanyň Ogly Isa Mesihi
Halasgär hökmünde kabul edýärin.
“Ölümi ýeňenňe sag bol” diýýärin.
Rebbim Seniň medet berer günüňdir.
Ýazyklarmy öteniňe ynanýan,
Günälermi öçüreniňe begenýän,
Bagtdan ýaňa ýüregimden aglaýan
Rebbim Seniň medet beren günüňdir.
Ölüm diýarynda goýmadyň meni
Nuruňa çykaryp görkezdiň güni,
Sada dilim her gün beýgeltsin Seni.
Rebbim Seniň medet beren günüňdir.