ŞÄHRIBOSSAN edebiýat hazynasanyň ýaşaýan ÝYLDYZY!
SEN HAKDA ŞYGYR ÝAZDYM…
Sen hakda şygyr ýazdym,
Üýtgedi gijäň reňki.
Sen hakda şygyr ýazdym,
Gymyldady garaňky.
Sen hakda şygyr ýazdym,
Yşgyň bile awunyp.
Seret gögüň ýüzüni,
Terk edipdir mawylyk.
Sen hakda şygyr ýazdym,
Galam ýasap polatdan.
Çagbasyn tama etmen,
Garny suwly bulutlaň.
Sen hakda şygyr ýazdym,
Ähdi bozan baýnamaz.
Indi oýunçy dünýä,
Meniň bilen oýnamaz.
Sen hakda şygyr ýazdym,
Ynan goýbersem-de köst.
Meniň saňa yşgymdan,
Gaýrysy ýalandyr dost.
Arhiwiň ýagdaýy
● Doly tekst
● 5/5 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 15 maý 2012 ý. · Asyl sahypany gör ↗
Teswirler 5
Sähribossan Garajaýywamy?
Men zennan shahyryñ Gaýdyp ber diýen goshgusyny halaýan. Shol goshgyny goýup bilmersiñizmi?
P.S. Sagbol Nakgash aga, ajaýyp goshgy.
Gelä sheýtde, gyzykly mowzyklaryña garashýan!
Mowzuklaryñy yzarlaýan!
Haladym.Sag bol, agam.
Goý gyzdyryp dulugym,
Müýnümi gaýdyp beriň!
Bigünä oglanlygym,
Düýnümi gaýdyp beriň!
Ýollarda hozanagym,
Çar ýanym gözenegim,
Agypdyr ezenegim,
Donumy gaýdyp beriň!
Biweçler başa bela,
Bet işlere mübtela,
Jeset aglar Rebbena!
Janymy gaýdyp beriň!
Uwundygym kyssaňdyr,
Düwündigim tüssäňdir,
Sygyndygym Yslamdyr,
Dinimi gaýdyp beriň!
Tilsiz men, çykmaz dadym,
Mahluk men, hany ýadym,
Owal başdan adamdym,
Çinimi gaýdyp beriň!
Şähribossan GELDIMÄMMEDOWA.
kab aga sag boluñ! Goshgyny ýazypsyñ.
Men familýasyny ýalñyshan ekenim! +1
Başga goşgulary hem bar bolsa ýazsaňyz okardymda 🙂
Gowja goşgulary okamany gowy görýän!