ABŞ-nyň dollary we olardaky prezidentler (banknotlaryň suratlary getirlen)

Pul diýilse gözi açylýanlar üçin täze tema 🙂 Aý, eliňize alyp bilmeseňizem, iň bolmanda, men ýaly suratlaryna seredip arzuw edip bilersiňiz 😆

1 dollar. Jorj Waşington - ABŞ-ny esaslandyryjy we ilkinji prezidenti. 1869-njy ýylda  (dollar çap edilip başlandan 8 ýyl geçen soň) 1 dollarlyk banknotlarda suraty peýda bolan ilkinji prezident bolýar.

2 dollar. Tomas Jefferson - ABŞ-nyň Garaşsyzlyk Jarnamasynyň awtorlarynyň biri. Portreti 2 dollarlyk banknotlarda 1869-njy bäri çap edilýär. Bu banknot resmi dolanşykda bolsada, ulanyşda diýseň seýrek duş gelýär. 1900-njy ýyldan bäri banknotyň ýörgünliligini galdyrmak üçin ABŞ-nyň hökümeti tarapynda birnäçe şowsuz synanşyklar edildi.

5 dollar. Awraam Linkoln - gulçulygyň soňuna çykan we ştatlaryň bitewiligini saklap bilen ABŞ-nyň 16-njy prezidenti. Suraty 1914-nji ýylda çykarlan banknotlarda peýda bolup başlaýar. 1963-njy ýyldan başlap banknotlara we teňňelere "In God We Trust" dewizi goşulýar.

10 dollar. Aleksandr Gamilton - ABŞ-nyň ilkinji maliýe ministri. Banknotlarda suraty ýerleşdirilen, emma prezident bolup görmedik iki döwlet işgäriniň biri. Ýene bir bellemeli zat, ilkinji 10 dollarlyk banknot 1861-nji ýylda Linkolnyn portreti bilen çykarlypdyr.

20 dollar. Endrýu Jekson - ABŞ-nyň 7-nji prezidenti, gapmagarşylykly syýasy şahs. 1928-nji ýylda 20 dollarlyk banknotlardaky Kliwlendiň suraty Jeksonyňky bilen çalşylýar. Şondan bäri onuň suratyny aýyrmak üçin birnäçe sapar petisiýa bilen ýüz tutulypdyr.

50 dollar. Uliss Grant - ABŞ-nyň 18-nji prezidenti, raýatlyk urşunyň belli generaly. Portreti banknotda ilkinji gezek 1913-nji ýylda peýda bolýar. 2005-nji we 2010-njy ýyllarda Grantyň suratyny Ronald Reýganyňka çalyşmak barada Kongresse teklip berilýar, ýöne kongressmenler oňa garşy ses berýärler.

100 dollar. Benjamin Franklin - ABŞ-ny esaslandyryjylaryň biri, belli syýasy işgär, diplomat, alym, žurnalist, mason. Portreti banknotlarda ilkinji gezek 1914-nji peýda bolýar. Oňa hiç haçan Amerikanyň prezidenti bolup görmedik Amerikanyň ýeke-täk prezidenti hem diýilýär.

Indi bolsa has uly nominaldaky banknotlar bilen tanyş boluň. Olary köpüňiz eliňize alyp gören dälsiňiz (belki suratyny hem gören dälsiňiz), sebäbi olar 1969-njy ýyldan bäri dolanşykdan çykarlan.

500 dollar. Uilliam Mak-Kinli - ABŞ-nyň 25-nji prezidenti, 1901-nji ýylda prezidentlik döwründe öldürilýar. 1928-nji ýylda portreti banknota ýerleşdirilýär.


1 000 dollar. Grower Kliwlend - ABŞ-nyň 22-njy we 24-nji prezidenti. Çykarylşy bes edilendigine garamazdan, häzirki wagta çenli auksionlarda satylan iň gymmat banknot (çykarlan ýyly 1890-njy ýyl bolan 1000 dollarlyk banknot 2006-njy ýylda 2.3 million dollara satylýar) bolup galýar.


5 000 dollar. Jeýms Medison - ABŞ-nyň 4-nji prezidenti, ABŞ-nyň Konstitusiýasynyň Atasy. Banknota 1969-njy ýyla çenli çykarylýar we ulanylşynyň pes bolmagy sebäpli 1000 we 10000 dollarlyk banknotlar bilen bir hatarda çap etmekden ýatyrylýar. Häzirki wagtda bu nominaldaky 342 sany banknotyň bardygy belli.


10 000 dollar. Semon Çeýz - Linkolnyň prezidentlik döwründe maliýe ministrliginiň ýolbaşçysy. ABŞ-nyň dolanşykda bolup gören iň uly nominally banknoty. Häzirki wagtda bu nominaldaky 336 sany banknotyň bardygy belli.


100 000 dollar. Wudro Wilson - ABŞ-nyň 28-nji prezidenti. ABŞ-da çap edilen iň uly nominally banknot. Hiç haçan erkin dolanşykda bolmadyk we Federal reserw ulgamynyň (ABŞ-da merkezi bankyň wezipelerini ýerine ýetirýär) içerki hasaplaşyklary üçin çykarylan.