Hadys Sherif
Pygamber sallallahu aleyhi we sallam aydypdyrlar:
Bir kişi özüniň dogasynyň kabul bolmagyny islese, gaýgy-gussasy başyndan sowulmagyny umyt etse, bela we musybata düşen bendelere ýardam bersin, şat etsin.
(Ahmed ibni Hanbal Musnedi, 2j. 23 sah.)
Hasratly kişilere kömek etmek we olary şatlandyrmak, doga we dilegleriň kabul bolmagyna magnawy bir sebäp bolar. Ýagşylyklar barabaryna sogap bermek Allah tagalanyň adaty bolanlygy üçin, bir bendäniň hasratyny dep etmäge hereket edijä şol ýagşylygy üçin dogalaryny Kabul etmek bilen muzduny bermegi mümkin.
Arhiwiň ýagdaýy
● Doly tekst
● 4/4 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 14 maý 2012 ý. · Asyl sahypany gör ↗
Teswirler 4
yene-de aytdylar:
Bir kişi özi bilen Allah tagalanyň arasyny sazlasa (Allah tagalanyň buýranlaryny ýerine ýetirip, gaýtaranlaryndan çekinse) şol kişi bilen bendeleriň arasynyň düzüw bolmagy barada Allah Özi kepil bolar (düzeder). Bir kişi içini düzetse, daşyny Allah düzeder.
Halklara söýgüli bolmak, olary razy etmek ýoly, olaryň ýanynda ýagşy atly bolmak üçin çalyşyp ýörmek gerek däl. Bu ýol maksada barmaz we şol hakda jan çekmede hem many ýokdur. Belki onuň ýoly Allah tagalanyň ryzalygyny üçin bendeleri hak ýola çagyrmakdyr. Bu işde hiç kimiň göwnuni gözlemek bolmaz. Şu ýolda çyndan hereket etmek Allah tagala bilen hem, bendeler bilen hem araňy sazlamakdyr. Emma bolmaly zat weli bolar, Hak azyz kylgan kişige - hich kişi har eýlemez.
bashga bir hadysda:
Sadaka maly kemeltmez. Afu kylyjy (bagyşlaýjy) bendäniň yzzat-hormatyny Allah artdyrar. Allah tagala üçin göwni peslik edeniň mertebesini ol göterer.
(Sahyh Muslim, 2j. 285 sah.)
“Sadaka sebäbine mal azalmaz” diýen sözüň äşgär manysyny pähimlemek dogry bolmaz, çünki onuň kemelýänligi görnüp durandyr. Meselem: ýüz manadyň ýarsyny sadaka etseň, kemelip elli manat galar. Belki kemelmek sözüň manysy şeýle rewüşde bolmagy mümkin:
1.Zahyry (görnüşi) kemelse-de galany bereketli bolar. Şol sebäpden göýä kemelmedik ýaly görüner.
2.Galan mal apatlardan salamat galar.
3.Allah tagala tarapyndan sogap berlensoň ol malyň deregine köp zat satyn alan ýaly bolar.
4.Allah tagala sadaka eden malyň deregine şu dünýäde hem artykmajy bilen haýr-yhsan eder. (Sebä surasy, 39-njy aýat). Bir musulmanyň başga biriniň üstünde dünýewi ýa uhrawy haklary bolup, şolary bagyşlap goýberse, Allah tagala onuň yzzat-hormatyny belent etjekdir. “Towazyg” (göwni peslik) özüni ejiz we har bilip, hiç kimden artyklygy ýoklugyny bilmekden we şony iş ýüzünde tassyk etmekden ybaratdyr. Munuň beýle tarapy tekepbirlikdir. Onuň nyşanalary bolsa şulardyr:
a)Uly we belent mertebeli adamlardan ýokdarda oturmak we öňünden ýöremek.
b)Başgalary kemsidip özüňi ileri tutmak.
c)Az mukdar azary göterip bilmän ile köpräk yza bermek we şu meňzeş her halda “towazyg” we “tekepbirlik” mälim zatlar. Kimde haýsynyň bardygyny bolsa halk kesgitlär. Afu kylyjylaryň yzzatlary artmagy, göwni peslik etmegiň derejesi belent bolmagy, şu dünýä degişli hem mümkin ahyrete hem, ikisinde hem mümkin.
gowy zatlar yazipsin sagja bol
Alla razy bolsun! Üç zady öwrendim. Ýagny: 1) duanyň kabul bolmasy üçin, mätäçlere ýardam etmek, 2) Eger Allahyň buýruklaryny ýerine ýetirseň, beýleki ynsanlar bilen gatnaşygyň oňat boljagyny, 3) sadaka maly kemeltmeýänini.