DÜZGÜNNAMADA ÜÝTGEŞMELER!

Salam hormatly agzalar.

Şugünlerdäki DINI MOWZUKLARDAN, biderek samsyk jedelleşmelerden halys doýdum.

Şonuň üçin, käbir agzalar bilen maslahatlaşyp, aşaky düzgünnamany işe girizdik. Eger goldamaýan bolsaňyz, aşakda sebäplerini bildirip bilersiňiz. Düzeltme, kemçilik tapan ýagdaýyňyzda hem duýduryş berip bilersiňiz.

8) Teswirler.com - islendik dindäki adamlara, dine ynanmaýan ateistleriň ählisinie hormat goýýar. Islendik dindäki adamy forumda kemsitmeklerine ýol berilmez!

Başga biriniň dinine hiçhili subutnamasyz, takyk bolmadyk maglumatlar bilen dil ýetirmek düýbünden gadagan!

Dinleri takyk öwrenmek maksady bilen, islendik mowzuk dini ynançlar bölüminde ýazylyp biliner, emma başga dini garalamaga ýol berilmez!

Ýokarky düzgünnama bozulan ýagdaýynda, administratorlara hökmany suratda habar bermegiňizi haýyşt edýäris. Agza, düzgünnama gabat gelmeýän, dini mowzuklary ýazmagyny dowam eden ýagdaýynda, sahypadan hiçhili duýduryşsyz bozular!

Indi adam dili bilen aýdanymda!

Islän kişi islän dinine ynanýar, islän dini hakynda maglumatlara ýazmaga ýol berilýär. Ýöne başgalaryň ynanýan dinine, we şol dindäki adamlara HORMAT goýmagy öwrenmeli.

Belli bir subutnamasyz, mowzugyň maksady diňe DINI GARALAMAK ýaly mowzuklaryň ählisi pozuljak. 
Ateistler hem özüniň dinsiz gowy ýaşaýandygyny ýazyp bilerler, ýöne beýleki DINLERE HORMAT goýmagy unutmasynlar.

Ýene-de belläp geşjek zadym, düýnki mowzugymda hem şeýle ýagdaý bolupdyr. Aslynda DIN bilen hiçhili baglanşygy ýok. Onda-da Hudaýdan zat sorap bolmaýandygy üçin meni, soranlygy üçin AKPAMYGY garalap ýazypdyrlar.  Şular ýaly mowzuklary hiçhili pozmakçy däldiris. Hudaýdan islän kişi islän zadyny sorap biler, siziň diniňizi garalamaýan bolsa, hiçzat diýmän otyrybermeli.

Düzgünnamany goldaýaňyzmy?

Hawa(85%, 23 adam)

Ýok!(14%, 4 adam)