Bereketli hadys - Yagshy we yaman yoldash hakynda

Butin ynsanlara pygamber edip iberilen Muhammed aleyhissalatu wesselam aydypdyrlar:
 
Ýagşy ýoldaş bilen ýaman ýoldaş misk (atyr) satyjy bilen körük basýan demirçi ussalara meňzär. Misk satýanyň ýanynda bolsaň, ondan atyr satyn alarsyň ýada hoş ys ysgap rahatlanarsyň. Emma demirçiniň ýanynda otursaň körük basanda uçgun syçrap eşigiňi ýakar ýada kömüriň bozuk ysyny alyp oturarsyň.
(Sahyh Buhari, 3j. 16 sah.)
 
Köp ýagşy adamalaryň bozuk ülpetler sebäbine sandan çykyp we bozuk kişileriň ýagşy ýoldaşlar berekedinden düzelip gitmekleri her gün tejribe edilip duran hakykatlardandyr. Ülpet tutunmakda alňasamak we köp-köp synag etmän goşuluşmak dürs bolmaz. Dünýäniň gerekli hünärleriniň biri – adam tanamak ylmydyr. Bu ylymdan mahrum kişiler, tirkeşýäniň ýagşy bolmalydygyny bilseler-de, kimiň bozuk kimiň düzüwligini tanap bilmeýänlikleri sebäbine heläk bolýarlar. Bu ylym kitap we ustazlardan sapak almak bilen däl, belki adam oglunyň öz akly, tejribesi we düşünjesi bilen hasyl bolar.