10 borchlar. 6. Gonshylar onundaki borchlar.

Goňşylar öňündäki borçlar

Beýik Allah tagala aýtdy:

36. Allaha bendelik ediň we Oňa hiç zady şärik etmäň! Ata-eneňize, dogan-garyndaşlaryňyza, ýetim-misginlere, garyndaş goňşa we bigäne goňşa, ýanyňyzdaky ýoldaşyňyza, ýolagçy mysafyra we eliňizdäki gullara ýagşylyk ediň! Elbetde, Allah özleri bahyllyk edýän we özge adamlary hem bahyllyga çagyrýan hem-de Allahyň fazly-keremi bilen beren nygmatlaryny gizleýän içigara we öwünjeň kimseleri söýmeýär.
Nisa süresi.

Pygamberimiz s.a.w. aýdypdyrlar:

“Kim Allaha we Ahyret gününe ynanýan bolsa, goňşysyna hözür-kerim etsin”
Muslim

Musulmanyň goňşy öňündäki borçlary şulardan ybarat:

Birinji bilen, mümkin boldugyça öz öýüňizde bişirlen tagamlar goňşylara hödür ediň. Pygamberimiz s.a.w. Abu Zerre ýüzlenip şeýle diýdi:

“Eý, Abu Zerr! Haçanda çorba bişirjek bolaňda oňa köpräk suw goş we ony goňşylaryňa hödür et”
Muslim

Ikinji bilen, goňşyň aýaly bilen zyna etmeli däl we goňşyňdan zat ogurlamaly däl. Pygamberimiz s.a.w. sahabalara ýüzlenip sorady:

“Zyna hakynda näme diýýäňiz?”

Sahabalar jogap berdi:

“Zyna Allah we Onuň pygamberi tarapyndan haram edilen we Magşar-hasap gününe çenli haram bolar”

Onda pygamber a.s. aýtdy:

“On zenan bilen zyna etmek goňşyň aýaly bilen görä gaty ýeňilliräk günädir”

Pygamber a.s. ýene sahabalardan sorady:

“Onda siz ogurlyk barada näme pikir edýäňiz?”

Sahabalar:

“Ogurlyk Allah we Onuň pygamberi tarapyndan haram edilen”

Onda pygamber a.s.:

“On öýde ogurlyk edeniň goňşyň öýünde edeniňe görä gaty ýeňilliräk günädir”
Ahmed

Bellik: Bu hadys zyna ýa ogurlyk ediň diýdigi däl. Pygamber a.s. deňeşdirmek bilen goňşy babatynda has günäsi agyrdygyny aýdýar.

Üçünji bilen, goňşylara azar bermeli däl we göwünlerine degmeli däl.
Pygambere a.s. aýtdylar:

“Eý, Allahyň Resuly! Pylan zenan gijelerine namaz okap gündüzlerine agyz bekleýär. Ýöne ol aýal öz dili bilen goňşylara azar berýär”

Onda pygamber a.s. aýtdylar:

“Onda ol zenanda haýýr ýok. Ol dowzaha düşer”
Al-Hakim

Dördünji bilen, musulman adam goňşysy käfir hem bolsa onuň bilen ýagşy gatnaşyk etmeli.