Hudaý meni bilýär…sen Ony bilmek isleýärmisiň
Hudaý meni bilýär…sen Ony bilmek isleýärmisiň…
posted in Durmuşyň Manysy näme |
“ÝaReb, meni barladyň we tanadyň. Oturyşymy, turşumy bilýärsiň;
pikirlerime uzakdan düşünýärsiň. Meniň gezýän ýodamy, ýatýan ýerimi
Sen kegitleýärsiň, ähli ýollaryma beletsiň. Dilimde hiç bir söz ýokka,
ine, ýa Reb, Sen ony bütinleý bilýärsiň…” Zebur 139
Ýaradyjy Hudaýymyz bizi bilýär, çünki ol bizi ýeriň topragyndan Özüniň keşbinde ýaradyp bize ýaşaýyş demini berdi. Ol biziň adymyzy we biziň her bir pikirimizi bilýär, biziň gözýäşlarymyzy bilýär we biziň dileglerimizi eşidýär…
Sen öz Ýaradyjyňy bilýärmisiň…Ol bilen günä netijesinde gatnaşgyňy ýitirendigiňe ökünýärmisiň we Oňa gaýtmak isleýärmisiň…bu seniň ýüregiň islegi bolsa…onda Hudaýyň meniň we seniň üçin döreden gutulyş Ýoly,
Hakykaty we Ýaşaýşy bolan Isa Mesihi tana we Ony kalbyňa çagyr, şonda seniň Ýaradyjyň bilen gatnaşygyň dikeldiler. Hudaý bilen şahsy aragatnaşygymyzy dikeltmek üçin biziň öz ýolumyz ýada düşünjämiz ýada
dinimiz bilen baryp bilmeris, diňe Hudaýyň Özüniň biziň üçin ýasan we üpjün eden Ýoly bilen baryp bileris…Muny bolsa Hudaý bize Injilde aýan edendir! Eger sen kalbyňda şol beýik Biribar bilen gatnaşyga bolan
isleg we gözlek bar bolsa we muňa nädip ýetip biljekdigiňi bilmek isleseň…Hoş Habar bolan Injili oka we iman et, düşünmedik zatlaryň bar bolsa bu ajaýyp gutulyşy başdan geçirýän biz imanlylar bilen habarlaş!
Arhiwiň ýagdaýy
● Doly tekst
● 64/64 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 14 noýabr 2011 ý. · Asyl sahypany gör ↗
Teswirler 64
yemaaa
Huday mukaddesdir ynsan bolsa gunali bu sebapden Huday her bir adam bilen gatnashykda bolmaz, chunki ilki bilen ynsan Hudayyn onunde dogry sayylmalydyr, bu bolmasa aragatnashyk dikelmez! Hudaya ybadat etmek bolsa ene dilinde yada dushunyan dilinde bolmaly we kalbyndan chykmalydyr! Gunalerini sogap ishlering bilen yuwup bilermising?
Sylap, entägem barmyň-aý 🙂
Neme, kä soraglaryňa jogaplar, ýöne mundan soň jogaplamajak bolaryn-da 🙂
1- Näme üçin metjitde namaz okalmaly?!
Jogap: Çünki ol Allahyň öýi. DIŇE metjitde namaz okalmaly diýen şert welin ýok, meselem, men öýde kän okaýan, metjitde hepdede 1-2 gezek. Neme, bary-ýogy şonça okaýan diýseňem bolýa-laý, umuman 🙂
Pygamberimiz (SAW) şeýle diýýär:Ýerýüzi maňa(şol 1 sanda ähli musulmanlara) mesjid kylyndy. Diýmek, ýerýüzi arassa we islendik arassa ýerde (hadesten taharet) ybadat edip bolýar.
2- Näme üçin namaz/ybadat arapça okalýar/edilýär?
Jogap: Çünki esasy arapça esaslanýar we biz musulmanlar hem şoňa eýerýäris. Arapça doly bilmeseňem, onuň manysyna düşünip bolýar azyrak gaýrat etseň. Meselem, sizem Injiliň iňlisçesinden ýa esasyndan biziň ene dilimize terjimesini edip, şoňa laýyklykda ybadat edýän bolup bilersiňiz. Şeýle-de bizem terjimesini edip, manysyna düşünip bileris. Maksat Allaha ybadat etmek, onuň dilinde däl, pikirimçe. Elbetde, düşünip ybadat etmek iň amatlysy. Muny Kuranyň aýatlary hem diýýär:...Bilen bilen bilmedik bir bolarmy?!
3- Allah bn bagyň barmy?!
Jogap: Ynsan günäli ýa bigünä halda-da Allah bn habarlaşyp biler. Munyň üçin ynsanyň islemegi we amal etmegi gerek. Mysal üçin 1 hadysda:Namaz müminiň magrajydyr! diýilýär. Magraç/Miraç wakasynda Pygamberimiz (SAW) nähili Allah bn ýüzbe-ýüz görüşip gepleşen bolsa, her bir mümin hem namaz arkaly Allah bn habarlaşyp biler. Fatiha süresi Allah bn bendesi arasyndaky paýlaşma diýlip geçilýär, ýagny, bendesiniň Allaha bolan öwgüleri we dilegleri bar. Allahyň hem şol dileglere jogap berjegi beýan edilýär.
4- Sogap bn günä ýuwlup bilermi?!
Jogap: Hawa. Gul haky munyň daşynda. Belki, kä erbet amallar hem şeýle bolup biler, ýöne, umuman okalan iki wagt namaz arasyndaky kiçi-girim günäleriň yzyndaky namazyň ýuwjagy beýan edilýär. Meselem, 1 hadysda:Öýüniň öňündäki akarda/ýapda günde 5 wagtyna ýuwunýan adamyň bedeninden kir tapyp bolmajagy ýaly, günde 5 wagtyna Allaha ybadat edýän adamyňam ruhy/magnawy taýdan kiri ýokdur... diýilýär.
5- Namaz näme?! Namaz Yslam dininiň 5 şertinden 2-njisi bolup, Allaha beden taýdan musulmanlaryň amal edýän ybadat görnüşidir. 1 hadysda şeýle diýilýär: Namaz diniň diregidir. Kimde kim namazyny okasa, onda ol dinini amal eder.
6- ... Men Hak Hudaya ybadat edyan..
Jogap, biziň Hudaýymyzam, siziň Hudaýyňyzam bir. Isa (a.s.m) hem iň soňdan öňki pygamber. Jebraýyl (a.s.m) hem Mukaddes ruh. Hz. Merýem (r.a.) bolsa Isa aleýhissalamyň ejesi.
7- Hz.Aly(r.a.) baradaky Magtymgulyň goşgusy barada gysgajyk düşündiriş:
Ýewreýler bn musulmanlaryň arasynda Medinede bir şertnama baglaşylýar. Her biri özlerine degişli bolan ýerlere çozmaly däl diýip kabul edýärler, ýöne ýewreýler muny ilki özleri pozýarlar. Musulman bir etraba çozup, uly-kiçi, aýal-çaga diýmän gyrýarlar. Soňam özleriniň Haýbar galasyna gaçyp sygynýarlar. Ol ýere-de güýçlerini birikdirýärler gysga wagtda jogabyň geljegini bilip. Pygamberimiz (SAW) kysas üçin şol gala Yslam goşuny iberýär we başyna-da Hz.Alyny (r.a.) goýýar. Gyzgalaňly söweş bolýar we netijesinde Hz.Aly köp kapyry/ýewreýi gylyçdan geçirýär. Goşgyň maksady şol, Sylap hezretleri. Ulaldyp, peşeden pil ýasajak bolma.
Şunlyk bn dynaýyn-la, ýogsam Sylapdan sypma ýok 🙂
Soňuňa çenli okanyňyz bar bolsa, sagbolsun aýdýan-how 🙂
Sag boluň! Bagtly boluň, adamlar!
Dogry aydyanyz, dogry 🙂 +++++++++1 Alla razy bolsun sizden Ata