Ömür.

Onuñ uzyn kirpikleri biri-birine gatyshyp gidýärdi,göreçleri bolsa bir nokada seredip dur.Soñky üç günde döken gözýashlary üçin,gözleriniñ gabaklary ýellenipdi. Ýüzüni ýuwanlygy sebäpli suwuñ damjalary ýüzünde buldurashyp durdy. Kirpiklerine çalynan gara tusham gyzaryp duran ýañaklaryndan ýol ýasap syrygýardy. Gara saçlary egnine dökülip durshuna suwda seçelenýärdi. Sag eli wannañ gyrasynda. Suwly wannadan onuñ boýny bilen eginleri görünýärdi.Bashyny wannañ bir gyrasyna ýaplap,shol bir nokada seredip durshudy.
Kalbynyñ çuñ ýerinden gelýän agyry onuñ damagyna urýardy,damagy dolubam gözlerinden ýash bolup çykýardy.Ol gözýashlaram ýañagyndan inçejik çeshme bolup akýardy.
Gözleriniñ öñünden bolsa bütin ömri kadr-kadr bolup geçýärdi.23 ýyllyk durmushynyñ iñ ýatda galyjy pursatlary beýnisinde ýyldyrym tizliginde ýalkym saçyp geçýärdi. Birden ol shol ajaýyp pursatlara dolanmak isledi. Gaýtalanmajak ajaýyp pursatlar oña nähili shatlyk duýgusyny getiripdi. Ol edil sho mahal shol shatlyk duýgusyndan demi-demine ýetmän hopukmak isledi.
Ol birden tisgindi. Wannañ gapysy dashyndan kakylyp bashlandy. Gapy ilki kakylanda jogap bolmanlygy sebäpli,indiki urgular has güýçlüdi we yzygiderlidi.
-Maral,gapyny aç,aç gapyny! Gyzym ejeñe haýpyñ gelsin,balam açaýsana!
Bu sözleri eshidende ol ylgap baryp ejesini gujaklap,onuñ gujagyna dolmak isledi. Onuñ egninde bashyny goýup aglasy geldi. Ol ýerinden turmak üçin iki elini wannañ gyrasyna dirände çep elinde asla güýjüniñ ýokdugyny duýdy. Ýerinden galyp bilmän,ýene öñki ýerinde galdy.
Gapyñ dashyndaky goh barha güýçlenýärdi. Ejesiniñ ýanyna dogany hem goshulypdy. Ishik içinden berk gurukdy. Dogany ishigi açmak üçin eliniñ astyna düshen zat bilen gapyny batly urýardy. Näme bilen urýandygy belli däl ýöne urgyñ sesi gitdigiçe güýçlenýärdi. Ejesiniñ damagyna salyp gygyrýan sesi,doganynyñ sesi,ishigiñ urgusy... diýseñ howsalandyryjy ýagdaýa salýardy.
Ýöne bu zatlar oña hijem täsir etmeýärdi. Onuñ duýujylygy peselip,kem-kem bu sesler oña çala eshidilip bashlady,görýän zatlaram gözüniñ öñünde ýüzüp bashlapdy. Duýmaklygy galsada,göreçleri shol bir nokada seredip durshudy.
Häliden bäri sag elinde iki barmaklary bilen saklap duran ganyñ damjalary bilen boýalan lezwisem barmaklary ysgyndan gaçansoñ kafeliñ üstüne gaçypdy...
Ol al reñki halaýardy. Al reñk oña owadanam gelishýärdi. Ýöne shu wagtky wannadaky suwuñ ýerine dolup duran ganyñ reñki ony eýmendiriji görkezýärdi...

Bir gün ömür kakar iñ soñky teblin,
Shol gün ýagysh ýagar asmany ýaryp,
Onsoñ meni ak topraga duwlarlar,
Dirileriñ hasabyndan aýyryp.

Pelegiñ çarhyna saralan ýüp deý,
Ýyl yzyna ýyllar geçer zabyrdap,
Ýyljak ýagysh bolsa shol ýagar durar,
Ýagar durar meñ üstüme shybyrdap...

Soñra geçer gider birgiden eýýam...

Onsoñ günesh dogar çoýaýyn diýip,
Meniñ çyg topraga garylan ruhum,
Men bu dünýä ýene gelerin gaýdyp,
Gezerin aralap dirileñ gohun.

Nur bolup ýanaryn gülleñ gözünde,
Bug bolup siñerin zemin ýüzünde,
Dañ shemaly bolup sesim gosharyn,
Gambar babañ çalman giden sazyna.

Ýene geçer eýýam yzyna eýýam...

Ak durnalañ toýnugyna garylyp,
Ak ýaýlañ üstünde ganat kakaryn,
Seni mahmal gijelerden gabanyp,
Ülkeriñ deñinden saña bakaryn.

Akmaýanyñ seçip giden süýdünden,
Goshawuçlap,goshawuçlap ganaryn,
Soñ bir gün sen säher bolup dogarsyñ,
Men ýokarda günesh bolup ýanaryn.

Geçer gider eýýam yzyna eýýam...

Seniñ ruhuñ dünýä sen bolup iner,
Meniñ ruhum ýene meni gaýtalar.
Dushyr bizi bir darajyk çatrykda
Ikimize dellal bolan shol ykbal...