Ýatlamalar....

 Men aslynda bu ýatlamalary diňe Teswirleiň agzalary üçin ýazýan. Sebäbi bu ýerde menin bir ýylyň dowamynda tanyşan hormatly agzalaryma dostlaryma jigilerime öz başymdan geçen kabir tanymal adamlar bilen bolan yatlamalarymy paýlaşmak isledim.
 
Men mekdep ýyllarynda goşgyjyklar(dogrusy häzir olary göräýsem belki-de utanardym. Emma meniň üçin ilkinji edebiýata gelýän ýodajygym bolansoň bu goşgujyklary gowy görýän) habarlar makalajyklar ýaradym. Ol wagtlar`` Pioner ``jurnaly ``Mydam taýýar ``gazýetinde bir zat çap etdirmek uly bagtdy. Meniň ilkinji ýazan goşgym hakda ``Pioner`` jurnalynda tankytlap bary ýogy 2 setirjik ýazylypdy. Men ol jurnaly hiç kimiň gözmezligini isleýärdim.Çyndan utanýardym.Gaýdyp elime galam alyp ýazmazlyga razydym. Maňa jurnal çykandan soň 2 gün geçensoň bir hat geldi. Bu hatda şahyr Pioner``jurnalynyň``redaktory Ýagmyr Pirgulyýewiň goly bilen ýazylan bukja gelipdi. Bu hatda meniň ýene-de ýazmagymy dowam etmegimi we ýaş şahyrlaryň(Pioner jurnalynyň awtorlarynyň arasynda geçirilen ýaryşa çakylyk bardy) Men guş bolup uçdum.Derrew elime galam alyp ýazmaga başladym. Bahar hakda Ene hakda goşgulary setirläberdim. Onsoň ony her kime görkezip çykdym. Hemmeler öwensoň ``kemsiz -kössüz`` gogularymy iberdim redaksiya. ýene-de geljek aýdaky Pioner jurnallaryn sanyna garaşyp geziberdim. Gynansamda bu goşgujyklarym hem`` çeperçilik taýdan gowşak``çykansoň jogap geldi. Men indi şol günlerde diňe jurnalda tankytlaýjy makala ýazylmazlygyny dileg edip başlady. Sebäbi indi klasdaşlarymyň boýdaşlarymyň  arasynda utanmaly boljakdym. Her näme-de bolsa ``şol garaşylan utançly`` gün geldi. Pioner jurnalynyn ahyrky sahypalarynda býene meniň adym bardy. Ýöne ol ýerde geljeginden tamaly bolnan okuwçy hökmünde maňa ýazylypdy.Men onda-da gaýdyp galam almakçy däldim. Günlerde bir gün Türkmenistan boýunça çärşenbe gününi mekdeplerde ``RUS DILI``yglan edildi. Maňa hem ``Pioner``jurnalyndan we ``Mydam taýýar``gazýetinden iki sany tabşyrykly hat geldi.Bu hatlarda ``mekdebimizde şäherimizde obaralarda bu düzgüniň amala aşyrylyşy hakda habarlara yzygiderli garaşylýandygy hakynda tabşyrykdy. Men uly höwes bilen ilkinji gezek öz mekdebimiz hakda ikisnede aýry aýry makala ýazdym. BIr hepdäniň içinde gazýetde we jurnalda meniň habarlarym ýalpyldap çykdy. Bu meniň üçin ilkinji edebiýat älemine gadamymdy. Soňra meniň ýazgylarym habarlarym köpeldi. Bir gezek Zeliliniň 200 ýyllyk ýubileýini geçirmek kakaryny almak üçin biziň şäherimizde ýazyjylaryň ýygnagy boldy. Şol ýygnaga gelen ýazyjylardan Ýylgaý  Duwrdyýew we ``Pioner jurnalynyň baş redaktory Ýagmyr Pirgulyýew şahyr Kerim Gurbannepesow biziň mekdebimzie gelip Pioneriň we Mydam taýýaryň ``ýaş habarçysy``hökmünde meniň bilen ýakyndan tanyşmak üçin direktoryň kabulhanasynda meni çagyrdylar. Meniň belki şol wagty ýürek urşum 120 geçendir. geplemäge-de jogap bermäge-de dilim tutuldy.Soňra olar biziň öýümize baryp ene-atamyza meniň üçin sag bol aýtdylar. Bu meniň ilkinji gezek beýik şahsyýetler bilen duşuşyymdy..