"Türkmen" ady barada gysgaça maglumat

Türkmen

Biziň
eramyzyň başlarynda Merkezi we Orta Aziýanyň giň sähralarynda ýaşan türki dilli
taýpalaryň dürli-dürli toparlara we iri taýpalara bölünip, olaryň hersine
özbaşdak at berlipdir. Türki taýpalaryň arasynda öz gadymy adyny saklan we
soňra halk derejesine ýeten şeýle toparlaryň arasynda öňi bilen
gyrgyzlary,uýgurlary, galyberse-de türkmenleri we başgyrtlary görkezmek mümkin,
çünki gyrgyz we uýgur diýen etnik at baryp biziň eramyzyň başynda-da duş
gelýär. Türkmen ady hem türki halklaryň içinde gadymy atlaryň
biridir. Bize mälim bolan taryhy çeşmelerde, meselem, 8-nji asyryň başynda
düzülen Tun-dýan diýen hytaý ensiklopediýasynda bu söz tö-kü-möng görnüşinde duş gelýär.Täjigistandaky Mug
dagyndan tapylan Sogd dokumentleri hem 8-nji asyryň başyna degişlidir.Şol
dokumentlerde-de türkmen sözi getirilipdir. Baryp 1300 ýyl çemesi
mundan öň ýazylan taryhy dokumentleriň ikisiinde duş gelýän türkmen etnonimi bu sözüň 8-nji asyrda däl-de, eýsem
ondan has öň döränligine şaýatlyk edýär.Biziň pikirimizçe, türkmen sözi biziň eramyzyň birinji müňýyllygynyň
ortalarynda, takmynan 1.5 müň ýyl mundan öň ýüze çykan bolsa gerek.
Meňzeş mowzuklar :

Türk sözi we türki halklar (Gyzykly maglumatlar)