Çary ýylançy kim?
Geçen asyrda Çary ýylançy atly bir adam ýaşap geçipdir. Ol hakda il içinde: "Ýylan okaýamyş. Öýüniň töweregi ululy-kiçili ýylandan dolumyş. Ýylanlar bilen düşünişip bilýämiş. Ýylanlara diýeni ýöreýärmiş" diýen ýaly gürrüňler bar. Çary aga dünýäsini täzelände ýylanlar hem adamlar bilen bile gonamçylyga gidipdir, öwlüýä barýan ýoluň gyrasy süýrenişip barýan ýylandan dolupdyr diýen gürrüňleri menem eşitdim. Ol gürrüňleriň näderejede hakykatdygyny bilemok, ýöne Çary ýylançy diýen adamy uzak bolmadyk geçmişde görenler bar.
Üýtgeşik ukyply, täsin ykbally Çary ýylançy atly türkmen barada agzalaryň arasynda has giňişleýin bilýän ýokmuka? Bar bolsa, bilýänlerini paýlaşsa, ýene bir türkmeni tanap goýardyk.
Arhiwiň ýagdaýy
● Doly tekst
● 4/4 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 19 maý 2012 ý. · Asyl sahypany gör ↗
Teswirler 4
Çary ýylançy diýp gulaga inipdi kiçi wagtymyz garrylarymyzdan, ýöne meň eşdişime görä tewipdi...
Beh... Gowy ukyply adam eken. Menä indi eshitdim.
kab aga gowy tema, sag bol.
Ýylançy Çary barada bilýänlerimi yazaýyn.
Çary ýylançy Mary etrabynyñ Pesanaly Akybaý (Prawda) obasynda ýagny Bally Hajynyñ obasynda ýasap geçipdir.
Meniñ enem sol obañ gyzy, 5 ýyl mundan öñ pahyr boldy. Enem pahyryñ ýylançy barada gürüñ beren bir wakasyny size aýdaýyn.
Kalhoz gurlysyk döwri, oba arçyny Çary agany ýanyna çagyryp, sen näme üçin ise çykañok, öziñe kimdirin öýdýäñ, derew piliñi alda göteril pagta meýdanyna diýip Çary aga gaharly gygyrypdyr. Çary aga sypaýçylykly bor baslyk diýip çykyp gaýdypdyr. Arçyn Çary agany uradyp ýerine geçip oturýar welin dasynda iki sany ýylan aýlanyp ýörmis. Arçyn kabinetden çykjak bolubdyr emma ýylanlar göýbermändir. Arçyn derrew ýylançyny ýanyna çagyrdyp, ötünç sorapdyr.
Çary ýlançy tebipçilik bilenem mesgul bolupdyr. Il arasynda, öñiñden ýylan çyksa Çary ýylançy malyñy ýygna ýada kow diýmeli diýen gürüñler bar.
Hawa, dost, şeýle gürrüňi menem eşitdim. Çary aga nirä gitse, ýylanlaram ýany bilen süýrenişip gider eken.
Dogry aýdýaň, özümizem kiçiräkkäk ýylan gabat gelse, Çary aga malyňy ýygna diýerdik. Şu söz häzirem köp ýerlerde aktiw ulanylýa.