Aýralyk.

Ine shu wagt balkondan,4-nji gatdan garañky shähere seredip durun.Köçäñ çyralary,dükanlaryñ çyralary birhili öwüshgin bilen meniñ uly bolmadyk shäherime bezeg berip otyrlar.Köçelerde ulaglaryñ sesi galanok.adamlaram alleýada kimse aýlanyp,seýil edýär,kimse howlukmaç öýüne barýar.Belki öýüne,ojagyna barmaga howlukýandyr,belki-de dushushyga söýgülisiniñ ýanyna barmaga howlukýandyrlar.
Indi bolsa nazarym gapdaldaky birnäçe gatly jaýa düshdi.köp gatly jaýlary göreñde shäher hamana adamlara "ýer dawasyny etmäñ" diýän ýaly biri-biriniñ üstünde oturdypdyr. O jaýda aryñ ketegi ýaly bolup ýanyp duran otaglaryñ çyralary sönüp bashlady. Diñe bir penjirede yshyk görünýär.ol yshyk näçe umytlar berýär...
Belki ol ýerde gelni bilen ýoldashy ümmüldeship çaý içip oturandyrlar... Ýa-da ýañy ýöräp bashlan çagajyklarynyñ ilkinji ädimine guwanyp oturandyrlar.Gör nähili bagt!
Menem seniñ bilen dushushýan wagtlarym nähili bagtlydym.sen bir bilsediñ. O wagtlar men bagtyñ bardygyna ynanýardym.Men ikimiz biri-birimiz üçin ýaradylandyrys diýip pikir edýärdim.Ikimiz hiç wagt aýra düshmeris diýip pikir edýärdim.Öz ýanymdan biziñ toýumuzdan soñky durmushymyzy göz öñüne getirýärdim.
Agshamlygyna seniñ ishden gelishiñ, "ezizim,geldiñmi"-diýip seni gapydan garshy alyshym... Eh,arzuwlar,arzuwlar...
Bilýäñmi näme ýer aýlanyp,wagt geçip dur,durmush dowam edýär.Hemme zat gaýtalanar.Aýlar,ýyllar,asyrlar.Taryham gaýtalanyp durar.Ýöne BIZ GAÝTALANMARYS! Biziñ wadalarymyz,biziñ dushushyklarymyz,biziñ söýgimiz... Bularyñ hijisem gaýtalanmaz.

Hiç kimde ýazyk ýok aýralykdan soñ,
Her haýsymyz özümizi aklaýas.
Soñ oturyp,ýowuz aýralykdan öñ,
Bolan-bolmush bar zatlary ýatlaýas.

Indi galan ömrümiziñ manysy-
Çyny hem ýamany saýlamakdadyr.
Günäsizdir aýrylshanlañ barysy,
Ähli günä diñe aýralykdadyr.