Ilkinji oýlanmam...

Okuw güni gutardy. Ýenede talyp durmuşynyň bir güni geçdi, näme etjegini bilmän ol noutbugy ýakdyda öz söýgüli aýdymlaryny diňledi. Soň birden internede girdi. Saýtdan saýta geçip birden "www.teswirler.com" diýen saýt ýadyna düşdi. Ol agza bolup girdi, nämäniň nämedigini bilenokdy. Soň biri "tanyşaýaly" diýip hat iberdi, ol mylaýym ýylgyrdyda "bor" diýip jogap ýazdy. Soň olar gowy dost boldular. Olar diňe teswirlerde görüşýärdiler. Soňra olar telefon arkaly sms, mms alyşyp başladylar. Bir sähetli gün belläp olar şaheriň merkezinde sagat 21.00 duşuşaly diýen karara geldiler. Şol gün gyzyň ýüregi gursagyndan çykjak ýalydy, ol şol güne kän garaşdy. Sähetli gün geldi. gyz hiçzat bolmadyk ýaly öýünden joram bilen gezmäne gitjek diýip çykyp gitdi. Sagat 20.45-i gyz jorasy bilen hoşlaşyp merkeze tarap ugrady, bireden telefondan jaň geldi, ol aljyrap seretdi. Görse ...... nomeri çykdy, ol aldyda men barýan diýip aýtdy, ýigidem saňa garaşýan diýdi. Gyz ganat baglan ýaly uçdy... Ýene bir salymdan olar duşardylar. Gyz üçin bu diňe dostlukdy, ýöne ol diňe gyz üçindi. Ýigit gyzy görende aljyrap näme diýjegini bilmän, birzatlar diýip samyrdady. Gyz güldide "salam, men şol gyz",diýdi. Ýigit özüne gelip, onuň elinden aldyda "salam menem şol oglan diýdi". Olar şol duşan ýerinden hiç ýere gitmän 1 sagada golaý gürleşip durdylar. Soň gyz birden gitmelidigini ýadyna saldy, we ýigide jaň edersiň diýip öýüne gaýtdy.Şol gün ýigit jaň etmedi, gyz hem bu ýöne dostluk, dost hem islän wagty jaň edýär diýdide, unutdy. Şol duşuşukdan soň birnäçe wagt geçdi, gyz ýenede öz öňki durmuşyny dowam etdi, birden jaň geldi, gyz telefony aldyda tanyş sesi eşdip "kime jaň edýäňiz?" diýip sorady, ýigit hem "saňa" diýip jogap berdi. Olar şol gün 1,5 sagat telefonde gürleşdiler. Indi ýigit her gün jaň edýärdi we günde 2-3 sagat gürleşýärdiler. Günleriň birinde gyz "men daşary ýurda gidýän", diýdi, ýigit gaýgylandyda näme diýjegini bilmedi. Şonda gyz bir zat duýdy, we oňa "saňa näme bolýar, sen üýtgediň, men seni tanamok", diýdi. Ýigit dymdyda "men saňa aýdyp bilemok, sms ýazaýaýyn?" diýdi, gyz rugsat berdi. Bir salymdan soň sms geldi içinde-de "MEN SENI SÖÝÝÄN" diýilen SÖZLER bardy. Gyz utandyda biz diňe dost diýdi, ýigit hem "ýüregim agyrýar, näme edeýin??" diýdi, gyz ýylgyrdy-da "hassahana barda, kardiologiýa bölümine baryp bejeräý" diýdi. Ýigit güldide "oýun etme,men seni söýýän" diýdi. Gyz dymdy, ýigit dymdy, gyz beýle beýle boljagyna garaşmandy, ol diňe ikisiniň arasynda dostluk bar diýip pikir edýärdi, emma beýle bolup çykmady. "Indi näme ederis?" diýip ýigit sorag berdi. gyz hem "wagt görkezer" diýip goýdy. Gün geçdi,aý geçdi, gyz hem daşary ýurda gitdi. Olar henizem habarlaşýarlar, ýöne soňundan näme bolar diňe ykbalyň elinde. Durmuş şeýle, döwür şeýle .......

Hormatly agzalar maňa kän bir uly jeza bermäň, siziň bilen bir oýlanmany paýlaşaýyn diýdim, siz halansyňyz diýip pikir edýän, HORMATLAMAK BILEN TÜRKMEN-TALYBY😉