Yene-de hadyslar
Pygamberhuda Muhammed s.a.w. aydypdyrlar:
Sabyr Rahmandan (Allahdan), äwmek şeýtandan.
Bir işi etmek hatyraňa gelen badyna ýerinden tarsa turup şolişi başlabermegi “äwmek” diýiler. Emma salykatly, parasatly adamlar bir iş tutjak bolsa, onuň öňüni soňyny oýlap, belki başgalara maslahat salyp, geňeşip başlar. Şoňa bu hadysda “enat” (sabyr) diýip aýdylan. Abdu Kaýs kabylasynyň (taýpasynyň) ilçileri Medinä gelenlerinde düýelerinden düşüp alňasaklyk bilen pygamber huzuryna gelenlerinde, olaryň içinde Aşaj diýen sahaba, düýeden düşüp, goşlaryny düşürip, düýelerini duşap goýberip, ýuwunyp, täret alyp, päkize eşiklerini geýip howlukman mesjide girdi we iki rekagat nepil namaz okady. Ondan soň resulullah huzuryna baryp görüşdi. Pygamber huda bu kişiniň hereketini oňlady we aýtdy “Eý Aşaj, sende Allah tagalaga söýükli iki häsiýet bar: helimlik (mylaýymlyk) bilen sabyr” diýdi.
Emma birnäçe halatda gyssanmak ýagşy diýen ýeri hem bar. Meselem: bergiňi bermekde, günäňe toba etmekde, kemala gelen aýal maşgalany durmuşa çykarmakda, namaz wagty girensoň okap dynmakda, dünýäden öteni jaýlamakda haýal-ýagal etmeli däl diýen rowaýat bar. Her halda hemme wagt adalat bilen, ortaça hereket etmek, äwmeli, äwmesiz orunlary seljermek lazymdyr (gerekdir).
Arhiwiň ýagdaýy
● Doly tekst
● 4/4 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 15 maý 2012 ý. · Asyl sahypany gör ↗
Teswirler 4
Pygamberimiz s.a.w. aydypdyrlar:
Köpi mes (serhoş) edýän zadyň azyny hem meng (gadagan)edýändir.
Mes edýän içgileri içmek, Kuran Kerim we hadyslar bilen haramlygy yslam dünýäsine mälimdir. Arap halky arak, çakyr içmese durup bilmeýän bir milleti. Aralarynda bolýan gyrlyşyklaryň hem esasy sebäpkäri içgilikdi. Kuran Kerim şony haram edenden soň, araplar şol höküme boýun egdiler we bütin taşladylar. Bu işleriniň peýdalydygyna gözleri ýetensoň şol hökümden has-da mamnun (razy) boldular. Içgilik bilen mübtela bolan bir halkyň arasynda önüp-ösen resulullahyň şony agzyna almanlygy araplara mälimdi. Çünki ol içgiler her dürli bozuklyklaryň enesi bolup, şonuň sebäbine ynsan özüniň sermaýasy bolan aklyndan aýrylyp mejnunlar jümlesine girýär. Içgiligiň zyýany nä mukdarda ekenligini häzirki zaman adamlaryna aýdyp oturmagyň hajaty ýok. Ol synagdan öten iş. Şu hadys şerifiň hökmi diňe arak-çakyra has bolman, başga neşelere hem degişlidir. Pygamberhuda akyl we bedene zyýan berýän hemme neşeleri ummatyna gadagan edenligi köp deliller bilen subutdyr. Şeýtan özi baryp bilmeýän ýerine ilki arak iberip ýol açar eken, ondan soň özi arkaýyn girer eken” diýen söz gadym zamanlardan bäri meşhurdyr. Yslam dininde muňa “ümmül habäis” (bozuklyklaryň enesi) diýip at berilmegi munuň zyýanynyň çägi ýoklugyndandyr.
Din ansatlykdyr.
Tamizlik imandandyr.
Allah razy bolsun, bu hadyslara görä amal etmegi hemmämize nesip etsin
Allajan hemmamize kyn gunumizde sabr bersin Ameen