Geliň, goşgy okalyň 8
* * *
Bagyşla, eziz, söýenim üçin,
Bagyşla, eý, gyz, köýeniň üçin,
Indiki diýjeklem diýenim üçin,
Bagyşla meni!
Ýöne men barybir aýtmaly muny.
Göz ýetirdim, boş ekeni
Biziň arzuw-hyýallarmyz,
Çatrykda durus, çapraz düşýär
Bu gün biziň ýollarymyz.
Men saňa ak bagty arzuw edýärin,
Senem maňa arzuw et-de ak bagty,
Hatyryna ret ediljek söýginiň
Bir posa ber,
Soňam aýralyk wagty
Gözýaş dökme, seniň oňa hakyň ýok,
Men bütinleý gidýän, gaýdyp gelemok.
Şeý diýip gözlerňe syn etdim şonda,
Çeşmiň bir üýtgeşik ýalpyldady-da,
Soňra... soňra biraz balkyldady-da,
Gahar, gazap, arman, nälet gözleňde
Gözýaşa öwrülip, çogdular bary.
Saklan, eziz, süpür ýaşyň, bagyşla,
Maňa şu gerekdi ertirden bäri.
Goşgynyň awtory şahyr Torum Ýaýlan Bataşy.
Arhiwiň ýagdaýy
● Doly tekst
● 4/4 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 18 maý 2012 ý. · Asyl sahypany gör ↗
Teswirler 4
NÄME SEN
Asla seni görmemişem, dildarym!
Gumrymy sen, bilbilmi sen, näme sen?!
Gamgyn köňlüm hyýalyňda aldaram,
Bag içinde gülgülmi sen, näme sen?!
Garaçymyň, ýa seýitmiň, hojamyň,
Ýa sakymyň, ýa şerapmyň, ýa jammyň,
Ýa ýylmy sen, ýa gündizmiň, gijemiň,
Ýa Aýmy sen, ýa Günmi sen, näme sen?!
Ýa müşkmi sen, ýa kokunar anbarmyň,
Aýda bilmen, ýa çarhmy sen, çenbermiň,
Ýa derýamyň, ýa möwçmi sen, lenbermiň,
Ýa girdapmyň, ýa burgunmyň, näme sen?!
Altynmy sen, kümüşmi sen, zermi sen,
Ýa arşmy sen, ýa kürsmi sen, ýermi sen,
Ýa ýakutmyň, ýa merjenmiň, dürmi sen,
Ýa çyragmyň, ýa röwşenmiň, näme sen?!
Magtymguly, geç namysdan, aryňdan,
El götergil bu wepasyz käriňden,
Jahan doly, sen gapyl sen ýaryňdan,
Meý-mestmi sen, ýa şeýdamyň, näme sen?!
Magtymguly Pyragy
Gözledim seni.
Bahar güller açanda,
Saýrap, guşlar uçanda,
Güneş nurun saçanda,
Janym, gözledim seni.
Ýodalardan, ýollardan,
Uzak-uzak illerden,
Gülälekli gollardan,
Gülüm, gözledim seni.
Bakdym belent daglara,
Serçemenli baglara,
- Gel, läläm, gara maña! –
Diýip, yzladym seni.
Ýürek aglar gün-günden,
Aý gyz, gizlenme menden.
Gara gözleñ içinden
Saýlap gözledim seni.
Annasoltan Kekilowadan alnan setirler.
molodes
sagja bolun