Bentler
Ýazda gyrylara geler damarlar,
Öz ýakan odyna gyzlar ýanarlar,
Ziňkildisi artar çuwalgyzlaryň
Göwreli gelinler agraslanarlar.
Gyşyň bolmalymy-ýazyň, bolma dost,
Dallamaly ýerde-sazyň bolma dost,
Çem gelen adama ýagşylyk edip,
Soň ondan goranan özüň bolma dost.
Ýalan ahy-waýdan bez bolan setir,
“Muşakgatdan irdim, ýaz” diýip aglar.
Gyrkylan erkeç dek ýylmanan setir,
“Maňa bir çümmüjek duz” diýip aglar.
Arhiwiň ýagdaýy
● Doly tekst
● 14/14 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 3 awgust 2012 ý. · Asyl sahypany gör ↗
Teswirler 14
Inerler ýeňsesi derlände gyzar,
Atlar ot syçradyp, harlanda gyzar,
Nyrh dawasy ýokdur mal edinjegiň
Dellallar hemişe arzaba gyzar.
Meslik diýilýänniň bolşy şeýledir:
Kimi-kämilleşdir, kimi-aýnadar,
Akyllynyň sürülmedik döwrany
Akmaklaryň dilin-başyn çeýneder.
Ýürekde şineläp, arzuw doganda,
Düňňürdäp zeminiň ýazy gelýändir.
Şirgazyňky ýaly bagtyň çüwende,
Beýik Magtymgulyň özü gelýändir.
Zeýir-zeýriň dünýäsinden gorkmaly,
Bir ýalançyň bolýasyndan gorkmaly,
Uýasyny satyp maşyn müneniň
Dişleriniň tyllasyndan gorkmaly.
awtory şahyr Baýram Jütdiýew
2nji kuplet,sonky 2 setiri w tochku boluptyr.spasibo Merdan
Ajayip setirler sagbol avtor +
Betinden dost, sagja bol +++++
hmm.gowy bentler eken.sag bol
Sag bol merdan1. Gaty gowy ekeni, halaýan $ahyrymyñ bentleri
👍
Gowy
Bentler diyen yerini okap, MENTLER diyeni prikol gornushde aydyp,bir degishmejikmika diyipdirin 😆
Okan bolsañ hasap didajan
Şu diýäni hak:
Çem gelen adama ýagşylyk edip,
Soň ondan goranan özüň bolma dost.
şuny hasam haladym menä