"Gowy men" diýer
Goşuňy bölekläp aýra gitseňem,
Ýolda-işde utulsaňam-utsaňam,
Ejeňize käte bir jaň etseňem:
«Gaýgy etme balam, gowy men» diýer.
Gözlerın yoluna diker oturar,
«Perzendim gora” diýp dileg tutunar,
Seň derdiň ýüregne döker oturar,
Şonda-da, «jan balam, gowy men” diýer.
Dişleri dökülip, ezer çöregi,
Billeri bükülip, kemär garagy,
Käte sanjyp gidäýse-de ýüregi,
«Azar etme balam, gowy men” diýer.
Çagasy geläýse towugyn soýar,
Dolap, näzu-nygmat torbaňa guýar,
Ugradyp, gatyja çöregin iýer,
Diýer ene, diýer: gowy men diýer.
Erkin ýöremäge galmasa haly,
Derdi artyp, hiç bolmasa mejaly
Balasyna aýdar: «Dayaw men häli,
Hiç alada etme, gowy men» diýer.
Eziz ene ýatyr saralyp-solup,
Perzent otyr, enäň halyny bilip:
Ezraýyl gelse-de başyny alyp
Pyşyrdap: «Jan guzym, gowy men» diýer.
Mertligem, gaýratam enedir, ene.
Dogumam, şöhratam enedir ýene
Hatda balasynyň düýşünde siňe:
«Özüň gora balam, gowy men» diýer.
#Bibigül Ýagşymädowa
Ýolda-işde utulsaňam-utsaňam,
Ejeňize käte bir jaň etseňem:
«Gaýgy etme balam, gowy men» diýer.
Gözlerın yoluna diker oturar,
«Perzendim gora” diýp dileg tutunar,
Seň derdiň ýüregne döker oturar,
Şonda-da, «jan balam, gowy men” diýer.
Dişleri dökülip, ezer çöregi,
Billeri bükülip, kemär garagy,
Käte sanjyp gidäýse-de ýüregi,
«Azar etme balam, gowy men” diýer.
Çagasy geläýse towugyn soýar,
Dolap, näzu-nygmat torbaňa guýar,
Ugradyp, gatyja çöregin iýer,
Diýer ene, diýer: gowy men diýer.
Erkin ýöremäge galmasa haly,
Derdi artyp, hiç bolmasa mejaly
Balasyna aýdar: «Dayaw men häli,
Hiç alada etme, gowy men» diýer.
Eziz ene ýatyr saralyp-solup,
Perzent otyr, enäň halyny bilip:
Ezraýyl gelse-de başyny alyp
Pyşyrdap: «Jan guzym, gowy men» diýer.
Mertligem, gaýratam enedir, ene.
Dogumam, şöhratam enedir ýene
Hatda balasynyň düýşünde siňe:
«Özüň gora balam, gowy men» diýer.
#Bibigül Ýagşymädowa
Arhiwiň ýagdaýy
● Doly tekst
● 1/1 teswir saklanypdyr
Ýazylan saýty: yurekdesh.ru · Çeşme: Common Crawl nusgasy — yurekdesh.ru, 29 aprel 2025 ý. · Common Crawl indeksi ↗
Teswirler 1
gowy gosgy
bars, sagbol ýazyjy gowy ýazýar