Goşgy_1

афганка· 16 iýun 2026 ý. 12:11 · 81 gezek okaldyyurekdesh.ru

Saňa indi başga näme diýeýin. Barjak bolsam, keserip dur mertebäm,
Saňa bu gün başga näme diýeýin?!
Peýdasy ýok, indi özüň örtemäň,
Saňa bu gün başga näme diýeýin?!
Wah, düşen ýeriňde ýerläbileňok,
Gözýaşyň derdinden gürläbileňok...
Etmişleriň üçin gargabilemok,
Saňa bu gün başga näme diýeýin?!
Myhmanlyga çagyrýarsyň, oýun däl.
Ýöne öýüň myhman barjak öýüm däl.
Menem seni unutmaga boýun däl,
Saňa bu gün başga näme diýeýin?!
Gursagymda goýup giden gyýçagyň,
Bildim bu gün, ömürboýy gyýjagyn.
Gyz mahalyň diýipdim-le diýjegim,
Saňa bu gün başga näme diýeýin?!
Gülki ýerne gül ýüzüňde ünji bar,
Boýnuňda däl, kirpigiňde hünji bar.
Aý bolýa-da... Alan oglan mençe bar...
Saňa bu gün başga näme diýeýin?!

(G.Daşgynow)

Arhiwiň ýagdaýy

● Doly tekst

● 3/3 teswir saklanypdyr

Ýazylan saýty: yurekdesh.ru · Çeşme: Common Crawl nusgasy — yurekdesh.ru, 12 iýul 2026 ý. · Common Crawl indeksi ↗

Goşgy_1

Arhiwiň ýagdaýy

Teswirler 3