Aglama Ejejan
Aglama, eje jan
“Eje jan, näme üçin aglaýarsyň...”
Aýhan Hajyýewiň kartinasyny synlap...
Aglama, eje jan, aglamasana,
Hat geldigi öldügi däl kakamyň.
Aglama, eje jan, aglamasana,
Baky diri ogludyr ol halkymyň.
Aglama, eje jan, jigilem ýatyr,
Aglasaň agyňa bimaza bolar,
Kakamyzyň ölendigin, goý, ertir
Bilsin, ýöne bu gün bilmesin olar.
“Ýok-la” diýip, daşymyzyň galasy,
Şu mahal bir, eje, baglama matam.
Nägehany, başymyzyň belasyn
Kül-peýekun eden kakam-a – kakam.
Aglama, eje jan, kakasyz öýde
“Ogluň ýetim” diýip, gyýa bakmazlar.
“Ýa kakasyz” diýip, gyzyňa toýda
Altyn ýerne mis ýüzügi dakmazlar.
Ýok kakam bar bolup, goraglar seni,
Menem goraglaryn goç ogul bolup.
Nirde bolsam gerin soraglap seni,
Giňden ýazylaryn saçagyň bolup.
Aglama, eje jan, aglanyň bilen
Ölenler dirilip gelýärmi näme?
...Watana ýürekden berilip ölen
Gerçege aglaman bolýarmy näme?
1984
“Eje jan, näme üçin aglaýarsyň...”
Aýhan Hajyýewiň kartinasyny synlap...
Aglama, eje jan, aglamasana,
Hat geldigi öldügi däl kakamyň.
Aglama, eje jan, aglamasana,
Baky diri ogludyr ol halkymyň.
Aglama, eje jan, jigilem ýatyr,
Aglasaň agyňa bimaza bolar,
Kakamyzyň ölendigin, goý, ertir
Bilsin, ýöne bu gün bilmesin olar.
“Ýok-la” diýip, daşymyzyň galasy,
Şu mahal bir, eje, baglama matam.
Nägehany, başymyzyň belasyn
Kül-peýekun eden kakam-a – kakam.
Aglama, eje jan, kakasyz öýde
“Ogluň ýetim” diýip, gyýa bakmazlar.
“Ýa kakasyz” diýip, gyzyňa toýda
Altyn ýerne mis ýüzügi dakmazlar.
Ýok kakam bar bolup, goraglar seni,
Menem goraglaryn goç ogul bolup.
Nirde bolsam gerin soraglap seni,
Giňden ýazylaryn saçagyň bolup.
Aglama, eje jan, aglanyň bilen
Ölenler dirilip gelýärmi näme?
...Watana ýürekden berilip ölen
Gerçege aglaman bolýarmy näme?
1984
Arhiwiň ýagdaýy
● Doly tekst
◐ 5/6 teswir saklanypdyr
Ýazylan saýty: yurekdesh.ru · Çeşme: Common Crawl nusgasy — yurekdesh.ru, 20 aprel 2021 ý. · Common Crawl indeksi ↗
Teswirler 5
Arhiwde 6 teswiriň diňe 5-si saklanypdyr.
+++++++
Ejeleriň gozýaşyna dözemok, şolar gaýgy etsede ýurek gyýylýar
Nowcha, +++
Kim aglasa-da ejeler bir aglamasyn
Nowcha, dogry aydyanyz mydama bagtymyza Gulip şat bolup omirleri uzak bolup gezsinler
Eje diýemegiň özi bir ruhy guýç
Nowcha, +++
++++