Magtymguly pragynyn " ÖÝLENGIN" diyen goshgusy.

vyshybal· · 78 gezek okaldy· halanan: 2ertir.com

Ýigit halyň garrylyga

Salaýyn diýseň, öýlengin.

Kethudalyk endişesin

Kylaýyn diýseň, öýlengin.

Kethudalyk gözel ýoldur,

Gaýgy garrydar, gam öldir,

Ýigitlik bir gyzyl güldür,

Solaýyn diýseň, öýlengin.

Öý, il gerek, ýorgan-düşek,

Perzent bentdir, aýal-duşak,

Ýüke werzigär boz eşek,

Bolaýyn diýseň, öýlengin.

Gezer sen oýnap, dalaşyp,

Galar sen gama bulaşyp,

Hasrata, derde ulaşyp

Galaýyn diýseň, öýlengin.

Joşgun eder sen özüňden,

Aýrylar sen hoş ýazyňdan,

Tükenmez derdiň yzyndan

Ýeleýin diýseň, öýlengin.

Ötir ýigitlik zamanyn,

Getir garrylyk dumanyn,

Dünýäniň ýagşy, ýamanyn

Bileýin diýseň, öýlengin.

Ýigitlik bir gyzyl gülşen,

Garrylykda öçer röwşen.

Gujak-gujak gara ýowşan

Ýolaýyn diýseň, öýlengin.

Magtymguly, gezip her taý,

Etmezdiň jahanda perwaý,

Pygamber sünnetin berjaý

Kylaýyn diýseň, öýlengin.

Arhiwiň ýagdaýy

● Doly tekst

● 6/6 teswir saklanypdyr

Ýazylan saýty: ertir.com · Çeşme: Web Archive nusgasy — ertir.com, 30 maý 2012 ý. · Asyl sahypany gör ↗

Teswirler 6

myahriban 5 maý 2012 ý. 08:57 +1

Magtymguly Pyragy geniy bolan, hemme goshgularynada soz yok, yone manysyna dushunsen...

Kubik 5 maý 2012 ý. 09:20 +2


diysen manydar yerlikli goşgy eken

incredible 5 maý 2012 ý. 10:14 +1

oylenmelidigme gynanyp gownum gechip baryadi welin in sonky kupledi okaydim bolsada 😆 😆 😆 chozupdira sonky kupletde nokady goyupdyr..
Awtor sag bol yetirenine 🙂

owaz 5 maý 2012 ý. 10:57


Öýlengin!!!
 

Merikk 6 maý 2012 ý. 03:15

Yigitlik bir gyzyl guldur,
Solayyn diysen oylengin.
Shu yeri has hem manyly eken.

ORRY 7 maý 2012 ý. 10:36 +1

HARAP EÝLÄR

Mü’min bolan müñkür bolmaz sözüme,

Jepbar bu jahany, gör, harap eýlär,

Çoh närseler geler-geçer gözüme,

Bu dünýäni bet-bet kär harap eýlär.

İşi rowaç tapar bet iş tutanyñ,

Dilegi duş gelmez hak diýp ýatanyñ,

Ýer ýüzünde bolar güýç-güýç ýeteniñ,

Jahany zulum ile zor harap eýlär.

Ylma uýmaz, alymlary jet bolar,

Ýok işler ýol bolar, bar iş bet bolar,

Şerigat nist bolar, bet iş set bolar,

Ülkäni bir nice töwr harap eýlär.

Balhy bogaz derdi, Nişapury – daş,

Amman şährin derýa Basrany ataş,

Medinäni açlyk, Mekgäni – hebeş,

Hyrat, Kandahary mar harap eýlär.

Rum şährin eýleýir sagyka harap,

Ýemeni hulaç ýykar, Mosuly – agrap,

Kufäni jöwenek Bagdat şährin – ab,

Reý ülkesin dilnip, ýer harap eýlär,

Sözüme gulak biýr akyl, hemişe,

Termize tagun düşer, renj şähri-Kişe,

Öwlady-Sufýanda ady Gumyşa,

İspihany sahyp kär hasap eýlär.

Samarkandy kybty ýygylar, bek basar,

Buhar şährin nan gytlygy türk basar,

Sarahsy mergi bozar, Merwi rik basar,

Şirazy türk, çogan mur harap eýlär.

Kaşgary, Hotany käfir hinde eger,

Hytaýa asmandan kejdumlar ýagar,

Her kejdum tiwe dek bir-birge deger,

Hindistany ahu-zar harap eýlär.

Aden şahy etgeç Lahora azmy,

Gaýdyp ýurdun tapmaz, dagmy ýa düzmi,

Aby-Jeýhun harap eýlär Horezmi,

Etrapda her mülk, kim, bar – harap eýlär.

Darganyñ şährine gökden ses geler,

Ol bir ýowuz sesdir, eşiden öler,

Bulgaryñ şährini ol ors alar,

Orsy Deçjal bile nar harap eýlär.

Magtymguly, her kim diñlese jandan,

Bu işler öñ geler ahyrzamandan,

Mäti ýerden çykar, İsa asmandan,

Deçjaly ol iki är harap eýlär.