Ýasama patriotism we boş buýsanç
Internetde maňa «Proud to be turkmen», «I Love Turkmenistan» ýa-da şoňa meňzeş ýazgylaryň rusça görnüşleri kän duş gelýär. Men adamlaryň näme sebäp, maksat bilen beýle ýazýandyklaryny düşünip bilemok. Her gezek «I love Turkmenistan» diýen ýazgyny görenimde, Gurbannazar Eziziň şu setirleri ýadyma düşýär:
«Söýme Watanyňy gursagňa urup,
Eneňi söýşüň dek söýüber onam.»
Sebäbi ýurt ile görkezmek üçin söýülmeýär. Ol galp bolýar.
«Proud to be Turkmen» ýa-da şoňa meňzeş ýazgylary görenimde bolsa «Nämesine guwanýaň?» diýip sorasym gelýär. Başga millet bolup dogan halyňda, ýene-de guwanardyň. Öz saýlaýan zadyň däl, başaran zadyň däl, aşan dagyň däl. Arthur Schopenhauer muny Aphorisms atly kitabynda şeýle aýan edýär:
«Buýsanara hiç zady bolmadyk her bir nalajedeýin akmak soňky serişde hökmünde öz milletiniň buýsanjyna ýapyşýar. Ol onuň kemçiliklerini we akmaklyklaryny diş-dyrnak bolup goramaga taýyn we şondan lezzet alýar. Şeýdip ol öz ejizliginiň üstüni örtýär.»
Netijede Gurbannazaryň şu bendi bilen tamamlasym gelýär:
«Adamlary söýýän!» diýip gagyrma
Bu bir boş sözlere sarpa goýmakdyr.
Sen gygyrma. Hünäriňi dowam et,
Şunuň özi adamlary söýmekdir.
Arhiwiň ýagdaýy
● Doly tekst
● 77/77 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 29 maý 2012 ý. · Asyl sahypany gör ↗
Teswirler 77
buysaniberhou, mana name aytyan ony. Men buysanamok. 7 million adamyn biri blp sluchayny doglypdrn. Hic hili goshandm yok, tm blp dogulmagma, özum saylamadm shu mltdn blp dgljak dp. Haysy milletdn blp doglanam blsm shu blshm bordy. Ors blp ya Hytay, Özbek blp doglanam blsm shu blshm bordy. Yöne Men Ors ya Hytay dp buysanbm kemsinibm yörmezdm. Karoche mena öz goshandm bolmayan zatlar bn övunup, chiship yörmegi halamok. Bu men öz pikirim
Buýsanjyňam ýeri bar, çägi bar. Buýsanmaly diýseler hemme zady ýöne gülala-güllük edip görkezmeli diýen zat ýok. Buýsanmaly däl diýseler, ýigrenmeli diýildigi däl. Näme üçin diňe garşydaşly pikir edýäňiz? Ak bilen gara reňkiň arasynda müň dürli çal reňki bar. Boş buýsanyp ýörmegiň deregine herkim öz ene dilinde dogry-düzüw ýazmagy öwrensedi, adam ýaly pikir ýöretsedi, gelişmegiň ugrunda bolsady! Ýokarda entegem etýäs diýip basyp ýatan bar!
Şeýle futbolka geýip patriot bolunýan bolsa, patriotlyk gaty arzan düşünje ekeni. Bu meniň pikirimçe özüňi ýüzleý we suwjuk şekilde görmezmek.
gaty chekeleshikli movzuk bolayypdyr
temany haysy tarapa ceksen cekibermeli, tuweleme, kop manyly tema 😆 näme niyet bilen bu temany acany belli dal. WARNING gyyyk gyyyk gyyk 😆 😆 😆
awtor buysanmaly dal, guwanmaly dal diymandira. dine sholar yaly futbolkalara bolan garayshyny yazypdyr
Ata-babalammyz dushmanyn onunde namartlap soweshden gachdymy? Haçana çenli taryhyňa guwanjak? Indiki ädimem at bilen halyny agzamakdyrda. Söweş diýýäň, gaçmandyr welin ýöne edil tireler birleşip söweşibem-ä bilmändirler!
Beyik Watanchylyk urshunda dushmana satylyp donuklik etdimi? - Ilki bilen-ä bu uruş bize degişli uruşam däl, türkmenler oňa diňe bir sebäp bilen gatnaşdy. We Staliniň bu uruşda ýöreden taktikasyny agzap durmak gerek dälmikä diýýän.
Ya namysyny satyp yoren boldumy? - Namysy satyp ýören öňem, şu günem az däl.
eto bylo wsego liş primanka diýip päätt.. diýýäňmi 😆😆😆 gyyyk gyyyk gyyyyk
😆 😆
döwletli gürrüñ gidya yokarda, nääätdiñay muny 😆
Gowşak jogabyňyza Kerim agadan goşgy:
Biziň işimiz
«Meniň, nä işimmiş bu zatlar!» diýýäs.
Ol ýalňyşýar. Diýýäs: «Meniň nä işim!»
Ol ýaňraýar. Diýýäs: «Meniň nä işim!»
Ol aldaýar. Diýýäs: «Meni aldanok,
Illeri aldaýar, Meniň nä işim!»
Görünmeli ýerde görünmese-de,
Görünmesiz ýere irinmese-de,
Goýalmaly ýaşda goýalmasa-da,
Uýalmaly ýaşda uýalmasa-da,
Ýene-de diýýäris: «Goýalman geçsin,
Goý, uýalman geçsin. Meniň nä işim!»
...Ol bolsa:
«Hemme zat meniň öz işim,
Nädemde illeriň nä işi?» diýip,
Maýkasyny çermäp göbegne çenli,
Dyzyndan geçmeýän jalbaryn geýip,
Edil dik garşyňda kofehanada,
Çigit çakyp otyr hüžžerdip döşün.
Sen bolsa diýýärsiň: «Goý, daş gemirsin,
Goý, ýalaňaç gezsin,
Meniň nä işim!»
...Ol ogurlyk edýär. «Meniň nä işim,–
Diýýärsiň – wagt geler, jezasyn çeker».
Ol myjabat ýapýar. «Meniň nä işim, –
Diýýärsiň – hakykat lowurdap çykar»,
Emma jezasynyň gelýänçä wagty,
Lowurdap çykýança hakykatymyz –
Juda çökder düşýär parhlylygymyz.
Juda gymmat düşýär kanagatymyz.
...Ol adamyň eden etmişi uly.
Ol-a ilden bezgek, il ondan bezgek.
Ýygnakda şol hakda sowal goýulýar,
Ýetýär geplemäge saňa-da gezek.
Sen onuň kimdigne bolsaň-da belet,
Ýa çekinip, ýa-da hormatlap ýaşyn,
Geplemek deregne aşak seredýäň:
«Goý, iller geplesin,
Meniň nä işim!»
Soň bir gün düşülýär seniň üstüňden,
Ýaňky gezek alyp hemmeden ozal,
Kiçijik günäli göreçleriňe
Eýmenç ýigrenç bilen aýlaýar nazar
Hem diýýär: «Günäsi juda ullakan.
Jenaýatkär. Suda bermeli işin!»
Sen bolsa şondan soň bilip galýarsyň
Niçiksi zat eken –
«Meniň nä işim!»
...Sen uly aýlykly ullakan işçi.
Emma pul diýleniň üýşüp ýatanyn
Göreňok sen. Nika ýüzükden başga
Ne-hä kümüşiň bar, ne-de altynyň.
Başga biri bolsa haram bagtynyň
Ugrunda hallanlap, otuzki dişin
Ýonduryp, gyzyldan gapladyp otyr.
Sen ýene-de diýýäň: «Menin nä işim!»
Altyn dişli kişi gün-günden azýar,
Ili hem azdyrýar. Güjeňläp dişin,
Bir ajap maşgalaň başyn aýlaýar.
Sen ýene diýýärsiň: «Meniň nä işim!
Aýlasa aýlasyn. Maňa degenok...»
Ol bolsa kem-kemden gaýşardyp döşün,
Seniň duluňa-da ätläp başlaýar.
Soň weli diýeňok:
«Meniň nä işim!»
Gurhanda: «Magşarda gopup harasat,
Asman-ýer çöwrüljek!» diýilýämişin.
Ýer çöwrülmez. Birden çöwrüläýse-de,
Ýeri çöwürjek zat:
«Meniň nä işim!»
@Azat-adam, goşgy gowy welin, ýerliksiz ulandyň-da..
kimdir biri buýsanara zat tapýandyr-da buýsanýandyr. seniň näme işiň olaryň buýsanjy bilen? ters zady tutyp yrsarap dursyňaý
Ynha-da, argument ýok, zat ýok, özüňkini tutup durmak. Goşgyny diňe göni manyda düşünip umumylaşdyrmak diýen zat ýok...
Awtor, diýjek bolýanyň düşnükli.
Geliň ählimiz agzybir bolalyň, Ata Watan üçin oňardygymyzdan bir peýdaly zatlar etjek bolalyň.
Meniň golumda ýazylan mesele hem birinji çözmeli meseleleriň biri.
@ Capello - jan damaryňa degäýdimi ýazgym?
Jan damaryma degdi welin - hakyky nikiň bilen bu ýazgylary ýazan bolsaň gowy bolardy.
goşgyň manysyna-ha gaty gowy düşündim. nämäň argumentini gözleýäň? seniň il bilen nä işiň bar?
her kimiň kanun içinde islän zadyny gürlemäne we buýsanmana haky bar. Näme üçin buýsanmasyn? Olaryň iş bitirmedigini nirden bilýäň sen? agzyny dolduryp gygyrýana sen