PYGAMBERIMIZ barada name diýdiler...

"Adamzat taryhynyň ägirt uly şahsyýeti Hz. Muhammetdir".

Mihail H.Hart, amerikan bilim alymy "Adamzat taryhynyň iň ägirt 100 şahsyýeti" atly taryhy derňew işinde taryhda we häzirki döwürde meşhur bolan ägirt şahsyýetleriň 100 sanysynyň içinde Hz. Muhammediň (a.s.a.) bütin dünýä boýunça iň uly şahsyýet bolandygyny ýazypdyr.

Amerikan alymynyň ýazan bu kitaby 1987-nji ýylyň oktýabr aýynda neşir edilipdir we oňa uly höwes bildirilipdir. Kitabyň awtory Prof Dr. Mihail H.Hart öz eserinde Hz. Muhammediň (a.s.a.) iň uly şahsyýet bolandygyny şeýle sözler bilen delillendirýär:

"Dünýäniň iň ägirt uly hem-de adamkärçilikli şahsyýetleriň sanawynyň başynda Hz.Muhammedi saýlap almagym, ony ilkinji hatarda goýmagym käbirokyjylary geň galdyrmagy mümkin. Käbir okyjylaryň bu babatda soraglary bolup biler. Ýöne Hz.Muhammet taryhda dini we dünýewi babatlardan iň ýokary derejä ýetmegi başaran ýeke-täk şahsyýetdir". 

(Dünýä gazeti, ýanwaryň 15-i, 1979, sany:205).

*****

...Mähriban pygamberimize uly hormat goýan Germaniýanyň syýasy we döwlet işgäri şazada Bismark ol hakynda şeýle diýýär:

"Men saňa döwürdeş bolmadygym sebäpli gaty gynanýaryn. Eý Muhammet! ...Adamzat nesli seniň ýaly saýlama we "men" diýen ägirt gudraty diňe bir gezek görüp bilendir, mundan soňra görüp bilmez. Men size örän çuňňur hormat goýmak bilen, ruhubelent huzuryňda başymy egýärin".

*****

Fransuz filosofy Aleks Lowazon şeýle diýýär:

"Ynsanlaryň eşretli ýaşaýşy üçin Hz. Muhammede iberlen Gurhan himetler bilen doly şamçyrag ýaly bir kitapdyr. Hz. Muhammediň hakyky pygamber bolandygyna birjik-de şek-şübhe ýokdur".

*****

Tanymal Tolstoý bolsa şu sözleri aýdypdyr:

"Hz. Muhammet pygamber (a.s.a.) hormatly bir halasgärdir. Ol adamzat nesline örän uly hyzmat bitirip beren şahsyýetdir. Bir ymmaty hak huzuryna gowşurdy. Oňa bu uly abraýyň özi hem ýeterlikdir. Olary gan dökmezden halas edip bildi, parahatçylyga ýetirdi. Olara belentlige tarap gidýän ýollary açyp berdi. Onuň ýaly ägirt uly şahsyýet her hili hormata mynasypdyr:.

Yslamyň esaslary.