Teker we adam.

Ösen ýurtlarda teker (welosipet) çagalar üçin oýunjak dälde, gatnaw üçin ulag serişdesi hökmünde ulanylýar. Bizde welin teker beýlede dursun motor sürüp ýören ýek tük.
Olam oba ýerlerinde ýörünliräk.Teker sport ýada başga maksatlar üçin ulanylyp biliner emma, ykdysady taýdan has köpüräk peýdalymyka diýýan. Elbetde bu şahsy pikir bolup biler.
Näme üçin teker?
Çünki teker, şahsy kämillge ýetmäge birinji kömekçi diýip hasaplanýär. Nirä bolsa öz zähmediň bilen ýetersiň. Köpçülik bolup süren mahalyňam rul sendedir, pedaly sen aýlaýansyň.Daş töweregi syn etmäge
pursat berişi ýaly, barjak ýeriňize nädip baranyňy duýman galarsyň. Ýel garşy sürmeli ýa-da howanyň sowuk gyş paslynda, ýagyşda-garda bolsa durmuşda adamyň nähili ejiz we çäresiz bolup dünýä gelenini
öwereneris. Bir tarapdan seretseň; teker sürmek durmuşa çalym atýar. Eger-de beýige
dyrmanýan bolsaň durmuş ýaman kyn eken diýersiň içinden welin, depesine ýetip
aşaklygyna gaýtýarkaň aslynda kynam däldigine düşünersiň. Yzlygyn sürüp bilmersiň,
teker diňe öňe gider, edil durmuş mysaly. Ýelberýäniň ýada gereklije açarlaryň
bilen ýüküň ykjam bolmasa, ýolda galmagyň ähtimal. Barjak ýeriňi we ýörejek
ýolyňi öňünden kesgitlemäge mejbur bolýaň, bulam bolsa adama belli bir maksada
ýetmäge ynamyny artdyrýar.
Tekeri gatnaw serişdesi hökmünde görenler üçin bir tarapdan mugt diýen ýaly, ýagny benzine

pul tölemäge hajat ýok. Ýurdumyzda benzin mugudam bolsa daşky sredamyzy gorap

saklamak has takygy bolsa öz saglygymyzy (awtobusa garaşyp we başga nägile,
biedep adamlary görüp gaharlanmak, ýada ýoldaky düzgüni bozýan sürüjilik
şahadatnamasyny satyn alanlar we ýol düzgünini ýola goýmak bilen
meşgullanýarlardan gaça durmak) goramak üçin birjede pulçykdajy etmeli däl. Elbetde ýurdumyzda dünýä
derejesinde hastahanalar, bejeriş merkezleri we şypahanalar gurulup ulanylyşa
berilýär. Emma olaryň asyl maksatlary saglygy gorap saklamak keseliň öňüni
almakdyr.
Gatnamak üçin teker ulanýan adamdan köp keseller gaça durarlar. Sebäbi ol sport bilen
meşgullanýar, ykdysady taýdan durnykly, şähdi açik, işine höwesli, durmuşynda
bagytly we şahsy taýdan kämil adamdyr.