“HALYL KULYYEW” - “Gündogar bulwary “

Yene nurun seçdi sansyz yşyklar,
Yene öwşün atdy gündogar bulwar.
Gysmyljyrap otyr juwan aşyklar,
Hersiniň elinde bir desse gül bar.

Menem peywagtyma aylanyp yörün,
Tutup oguljygymyň akja elinden.
Yöne gözlerimi ayryp bilemok,
Gyzlaň elindäki bahar gülünden.

Şeyle ter gülleri, elwan gülleri,
Bir mahal manada beripdi bir gyz,
Ey ilkinji söygiň ajap yyllary
Unudup bilmeyän men seni hergiz.

…student yigitdim gymmat bahaly
Sowgatlar äbermek meň üçin yatdy.
Gijeler döredyän goşgylarymdan
Başga bir ullkan baylygym yokdy.

Men goşgy yazardym sen bolsaň her gün
Bahar güllerinden baglardyň çemen.
Gör neneňsi gözel,
Gör neneň ter gül,
Synlap, sil suwy dek joşardym menem.

Yürek bardy bu gülleriň içinde,
Posa bardy bu güllerin içinde
Şeydip ilki söygiň gudratyna men
Göz yetirdim bu gunlerin içinde.

Indi näme?
Geçip giden yanwarlar
Doňdurupmy yürekleriň gabygyn.
Posa bilen yaňlandyrlan bulwarlar,
Sizden maňa orun yokmy ya bugün.

Zyyany yok! Goy bolmasa bolmasyn,
Aşyklara orun berseň ,bes mana.
Ynha meniň eziz oglum joňkuldap,
Yetip baryar yigitleriň paslyna.

Bayyrlardan yygyp bahar güllerin,
Ynha ol-da gurup berer toy bize.
Ilkinji söygüniň ajap yyllary,
Yene gaydyp geler biziň öymize.

Yene nurun saçar sansyz yşyklar,
Yene öwşün atar Gündogar bulwar.
Ynsan garrasada garramaz göwün
Baglar garrasada, bahar bar, gül bar!