ÖÝE GAÝDYŞ

Ispaniýanyň günortasynda ýerleşýän Estepona obasynda ulaldym. 16 ýaşymdakam bir gün irden, kakam biziň obamyzdan 30 kilometre golaý uzaklykda ýerleşýän bir oba maşyn bilen ony äkitmegeimi isledi. Kakamy oba eltip, maşyny ussahana äkitmelidim. Maşyn sürmegi ýaňy-ýaňy öwrenipdim ve maşyn sürmek üçin bir bahana çykmasyny garaşyp ýördim. Kakamyň teklibini derrew kabul etdim we onuň yzyndan sagat dörtde barjakdygyma söz berdim. Kakamy oba eltdim we maşyny ussahana alyp gitdim. 2 sagat töweregi wagtym bardy. Maşyn bejerilýänçä usaahananyň golaýyndaky teatrda kino görmäge gitdim. Kino şeýle bir gyzygypdyryn welin, sagadyň alty bolanlygyny bilmän galypdyryn.İki sagat gijä galypdym. Kino görüp gijä galanymy biläýse kakam maňa gaharlanyp, mundan beýläk maşyn sürmäge rugsat bermezdi. Kakama maşynyň bejerilimesiniň uzak sürendigini aýtmaga karar berdim. Kakamyň ýanyna gitdim, gijä galandygym üçin ötünç sorap oňa maşyn üçin eglenenimi aýtdym. Muny aýdanymda kakamyň maňa seredişini hiç unutmaryn. Ol : “Maňa ýalan sözleýäniňe ýaman gynandym.” Men: “Näme diýýärsiň kaka? Men hakykaty aýtýaryn”. Kakam maňa ýaňadan seretdi we:” Sen gijä galdyň welin, ussahana jaň etdim we maşynyň ýagdaýyny soradym. Ussa maňa maşyny almaga gelmändigiňi we maşynyň bir eýýäm oňarlandygyny habar berdi”- diýdi. Birden nähili ýalňyş iş edenligimi düşündim we kakama hakykaty aýtdym. Kakam: “Örän gynanýaryn. Saňa däl özüme gynanýaryn. Eger sen şunça ýyldan soň maňa ýalan sözläp bilýän bolsaň , diýmek men gowy kaka bolup bilmändirin. Öz kakasyna-da ýalan sözleýän çaga ýetişdiripdirin. Öýe ýöräp gitjek we näme ýalňyş iş edendigimi pikirlenjek”. Men: “Ỳöne, kaka, öý 30 km uzakda, sen bu ýoly ýöräp geçip belmersiň”- diýdim. Kakam hiç bir aýdanyma, hiç bir ökünjime gulak asmady. Ony ýaman erbet gaharlandyrypdym we ömrümiň iň agyr wagytlaryny geçirýärdim. Kakam tozanly ýollardan ýöremäge başlady. Men yzyndan galman barýardym we onuň maşyna münmegi üçin oňa ýalbarýardym. Emma kakam meni eşitmedik bolýardy we gaýgyly-gussaly ýöremäge dowam edýärdi. Kakam 10 km-e golaý ýoly ýöräp geçipdi. Kakamyň bu kynçylyklara sezewar bolmagy meni örän gynandyrýardy emma bu waka maňa durmuşda iň uly sapak bolupdy.
Ol wakadan soň agzymdan hiç ýalan çykmady.