Ylmyň hakykaty - 3

Ýaşlyk wagtynda, Gürgan şäherinde, döwrüň meşhur alymlaryndan üç ýyl ylym öwrenen Muhammed Gazali, öz ýurdyna, Tus şäherine gaýtmak üçin ýola çykýar. Ýolda kerwen garakçylar tarapyndan talanýar, şol sanda Gazaliniň sapaklarda ýazan ençeme depderlerini, kitaplaryny hem alýarlar. Gazali depderlerini we kitaplaryny almak üçin talaňçylaryň yzyndan gitýär.

Gazali, garakçylara şeýle diýýär: “Bu ylymlary öwrenmek üçin ýurdymy terk etdim. Gürgana gitdim, bütin ylymlar bu depderleriň içinde.”

Şonda garakçylaryň lideri, Gazaliniň ömrüni üýtgetjek şu soragy soraýar: “Ylym öwrendim diýýärsiň emma eliňden bu depderleri alsak ylymsyz galýarsyň, bu nähili bolýar?”

Bu sözleriň dogrulygyna düşinen Imam Gazali, depderlere we kitaplara bagly bolmajak şekilde ylym öwrenmegiň ugryna çykýar, köp okaýar we maglumatlary ýat tutýar.