Güljemalyñ haty.

Gadyrly redaksiýa!
Men awtobus duralgasynda bir oglan bilen tanysh boldum.Heniz oñat tanshyp ýetishmänkäk iñ soñky awtobus geläýdi.Ýogsam,bashga wagt birnäçe wagtlabam gelýän däldirler.
Umuman aýdañda,oglan tanysh bolmazça däl.Geýnishi oñat.Boýy uzyn.Saçy buýra-buýra.Mashynymam bar diýýär.
Gadyrly redaksiýa! Ol oglan meni hindi kinosyna çagyrýar.Men tolgunýan,aljyraýan.Ömrümde ilkinji sapar oglan bilen kino gitjek bolshum.
Gadyrly redaksiýa!Maña maslahat beriñ. Kino gideýinmi ýa-da birbada saklanaýynmy? Ilkinji çakylyga razy bolmak gyz mashgala üçin aýyp dälmi? Bilbiliñ bahara garashyshy ýaly maslahatyñyza garashýan. Güljemal.

Hormatly Güljemal! Maslahat sorap ýazan hatyñ redaksiýamyza gelip gowushdy.Sen bir oglan bilen kino gitmekçi bolýandygyñy ýazypsyñ.Biziñ maslahatymyz sheýle: kino bile gidip bilersiñ. Ýöne weli,häzirlikçe diñe gündizki seanslara gitmegiñi maslahat berýäris.Giçki seanslara birbada gitmekden saklanaýsañ gowy bolarmykan öýdýäris.
Saña uly bagt arzuw etmek bilen: redaksiýanyñ terbiýelemesi kyn bolan we gözegçisiz galdyrylan çagalar hem-de köp çagaly eneler bilen,sheýle hem mashgala hukuk we aliment boýunça ish alyp barýan bölüminiñ müdiri Pylan Pylanow.

Gadyrly Pylan Pylanow! Siz gündizlerine kino gitmegi maslahat beren ekeniñiz.Eger mümkin bolsa,ýene bir zat sorajak. Men shol oglan bilen kino gidip barýarkam onuñ çep goltugyndan tutaýynmy ýa sag goltugyndan?Jogabyñyza garashýan.Güljemal.

Hormatly Güljemal! Sen entek çepdenem,sagdanam tutma.Islän tarapyñdan,ýöne sheýle ýöräp gidip bilersiñ.Sen heniz ol oglany içgin,ýiti tanañok."näbelet atyñ gershini sypalama". Ýash janyñ bar.Ol oglana ýapyshmanyñda-da ýykylman ýöräp bilersiñ-ä.Ýol sürçek bolsa,ýa oglan içgili bolsa,maýyp-müjrüp bolsa,onda bashga gürrüñ,söýenishmeli bolar. Eger ZAGS-dan geçensoñ,shol oglanyñ depesine münüp kino gitseñem,il geñ görmez,guwanar,arzuw eder. Pylan Pylanow.

Gadyrly ýoldash Pylan Pylanow! Berýän atalyk maslahatyñyz üçin men sizden örän minnetdar.Kyn görmeseñiz ýene-de bir zadyñ maslahatyny beriñ.Shol ýigit bilen kino gidenimde özüme goragçy edinip ýanyma ejemi alaýynmy ýa-da jigimi? Jogabyñyza garashýan. Güljemal.

Hormatly Güljemal! Ejeñem,jigiñem ýanyña almak hökman däl. Goragçy nämä gerek?Kino gitmek futbol oýnamak däl ahyry.Eger ätiýäç etseñ,Jenaýat kodeksiniñ rugsat etmegi boýunça çykgynsyz ýagdaýda öz-özüñi goramaga kanuny hakyñ bardyr.Bilip bolmaz,ätiýaçdan bir ýaragjyk göterinäýseñem artykmaçlyk etmez.
Redaksiýanyñ ishgäri P.P.

Hormatly P.P.! Sowuk ýaragmy ýa gyzgyn ýarag? Güljemal.

Hormatly Güljemal! Gyzgyn ýarag maslahat beremzok.Birinjiden-ä,gyzgyn ýaragyñ töweregindäki bigünä raýatlara-da zeper ýetirmegi mümkin.Ikinjiden,gyzgyn ýarag "tiz kömege" edere ish goýanok. Siz sowuk ýarag göteräýiñ. P.P.

Gadyrly ýoldash P.P.! Orta we ýakyn aralyga atylýan ýaraglar-a gadagan edildi.men ejemiñ kakama topulýan oklawyny elime alaýsam bolmazmyka? Gerek ýerinde köwshümiñ ökjesem ish bitirýär,göni mañlaýdan agyz açaýar.

Hormatly Güljemal! Sen,iñ gowusy,siñek we tarakanlara garshy ulanylýan dihlofosdan birini sumkaña ataý.
Size bagt arzuw edýäris!