Nika bozaly.

Nika bozaly!!!..........

Ýazmagam kyn boldy maña goşgymy
Zordan ýazdym sylyp gözde ýaşymy
Ýykyp weýran etdiñ päk durmuşymy
Gel indi dawasyz nika bozaly.

Aýtmaga dil barmaz edenleriñi
Erkeklik mertebäm saklap dur meni
Geçerden agyrdyr günäleriñi
Gel indi dawasyz nika bozaly.

Haýsy aklyñ bilen bu ýoly tutdyñ
Özüñ deý nadanyñ gepine gitdiñ
Agzybir maşgalañ soñuna çykdyñ
Gel indi dawasyz nika bozaly.

Azajyk howlukma bazaryñ bolmaz
Ter güller solansoñ bilbilem gelmez
Ýaşlyk bir myhmandyr geçer eglenmez
Gel indi dawasyz nika bozaly.

Namys-ar nirede wyždan nirede
Señ bilen bu zatlar bolmaz bir ýerde
Binamys ýaşamak ýaraşmaz merde
Gel indi dawasyz nika bozaly.

Aý borla, soñlaýyn agyrtman başym
Indi meniñ bilen bolmasyn işiñ
Şahyra deñ gelmez seniñ gurluşyñ
Gel indi dawasyz nika bozaly.

Awtory : Çary Mahmudow.