Dul gelin almagyň plýus taraplary...
Öň bir işdeş ýoldaşymyň aýrylyşan dul gyzy bardy. Şol dul gyz öýlenmedik oglana bardy. Muny hemme kişi geň gördi. Aslynda geň görer ýaly näme bar? Näme üçin dul oglan durmuşa çykmadyk gyza öýlense bolýada, dul gelin öýlenmedik oglana barsa bolanok?...
Şu temada dul geline öýlenmegiň bir näçe peýdalary hakda gürrüň etmekçi...
Peýda-1: Maddy peýda...
Bu wagt durmuşa çykmadyk gyz almak üçin, 80 milýon, 120 milýon, 250 milýon, hat-da mundan hem köp bermeli. Mundan daşgaram gyz tarap eliňe soňy gelmeýän spisok tutdyrar. Pylança goýun, näçe halta un, pylança pombarh, pylança türküň öýmesi...Bularyň soňy gelenoga...
Üstesinede käbir ýerlerde süýt hakam alýalar. Näme ejeler! Siz gyzyňyzy kreýne emdirdiňizmi süýt haky alar ýaly. Süýt emdirmejek bolsaň dogurmalam däl eken. Süýt emdirmek, ejäniň çagasynyň öňündäki ilkinji borjuň ahyryn. O nädip beren süýdüňdenem pul ýasajak bolýaň? Soňam ak süýt berip ulaltdym diýen bolarsyň. “Hakyna” süýt bereniňi aýtmarsyň. Sözüm ýok...
Galyňam, süýt hakam berdiň diýeli. Mun bilenem gutaranoga. Restoran diýdi, oba ýerinde taleşka diýdi, o diýdi, bu diýdi, munça puly nirden aljak? Karz tapaýan ýagdaýyňda-da, alan puluňy üzmek geregä?!...
Umuman, çykmadyk gyz almak, bir erkek üçin juda gymmada düşýär. Gyzyňka aňsat. Bar çykdaýjysyny erkekden alýar. Emma, bar agram erkek tarapa düşýär. Munça puly tapdyňam diýeli, emma, näçe wagt bile ýaşaşjagyň bellimi? Bu wagt 2-3 aýdan aýrylyşmak moda boldy...
Emma, dul gelin, senden 80 milýon, 120 milýon soramajagy ýa-da eliňe spisok bermejegi ýa-da pylan restoranda toý et diýmejegi belli. 5-10 milýon berseňem ýa-da göwnüňden çykaranyňy berseňem, dul pahyryň göwni bitýär...
Peýda-2: Magnewi peýda...
Dul gelin, ýeke, ýalňyz ýaşamagyň nämedigini gowy bilýär. Ol birinji nikasynda goýberen ýalňyşlyklaryndan sapak aldy we netije çykardy. Şonuň üçinem dul gelin çykmadyk gyzlardan has akylly bolýarlar...
Dul gelin, çykmadyk gyzlara garanyňda, durmuşa çykmak meselesine has seresaply çemeleşýär. Ýedi ölçäp bir kesýär. Söýgi, indi onuň üçin maşgala gurmagyň esasy sebäbi bolmakdan çykýar. Ol has wajyp meselelere, mysal üçin erkegiň häsiýetine, ahlagyna, gelip çykyşyna, dünýä garaýşyna we edýän kärine seredýär.
Ine şu şertleri özünde jemleýän erkek, dul geliniň ýüreginde besleýän ak atly şazadasy bolup biler. Eger-de, dul gelin özüniň ak atly şazadasyna duşsa, onda ony jany-tenden söýer. Onuň gadryny biler. Gaharyny getirmez, bir diýenini iki gaýtalatmaz. Bolar-bolgusyz zatlar üçin, goşuny alyp gitmez. Öýüň ody bilen girip, küli bilen çykar...
Eger-de, bir zenan seni çyn ýürekden söýjek bolsa, seniň diýeniň bilen boljak bolsa, näme üçin onuň bilen öýlenmeli däl? Dul bolanda näme? Käbir çykmadyk gyzlar(hemmesi däl), dul geliniň ýarysy-ça hem ýok...
Şonuň üçin meniň özümä dul gelin alardym. Çagasy bolsa bolubersin. Öz çagam ýaly serederin...
Biri dul diýip, aýrylyşan diýip, ony gyra itip bolmaza?! Dul gelinem entäk ýaş. Geljegi öňünde. Onuňam maşgala gurmaga, çagaly-çugaly bolmaga haky bar ahyryn?!...
Bellik: Men hiç kime dul alsyn diýemok ýa-da çykmadyk gyza öýlenýänlere dil ýetiremok. Diňe öz pikirimi aýtdym...
Arhiwiň ýagdaýy
● Doly tekst
◐ 19/62 teswir saklanypdyr
Ýazylan saýty: yurekdesh.ru · Çeşme: Common Crawl nusgasy — yurekdesh.ru, 17 mart 2018 ý. · Common Crawl indeksi ↗
Teswirler 19
Arhiwde 62 teswiriň diňe 19-si saklanypdyr.
Süýt haka derek "Nestagen "haky bermeli borsyňyz
Indi mowzyga geçýas
Öýlenmedik bolyp birniň ulanan zadyny nadip aljak ,ol gyzada degişli gyz bolyp öýlenen ýigde barýanlara
Şu bir öz zadyňjyk bolsunla, birniň.ulanyp taşlan zady dälde
Her kim öz deňini tapsa gowy, şonda durmyş gowy gider
Öňem bir gezek Ependi.aýaly bn aýrylyşyp, ärinden aýrylyşan gelni ikinji durmyşy edip alypdyr
Olar goş birikdirenden soň Tomys aýy bolansoň daşarda ýatypdyrlar we ependi öňki aýalym eýledi beýledi diýip öwupdir welin soňky aýaly hem öňki ärim eýledi beýledi diýip öwupdir, muňa-da ependiň gahary gelip bir aýagy bn aýalyny depip goýberýar
Aýalam baryp kaza arz edýar
Kazy hem ependini çagyryp
Name üçin beýtdiň diýýar
Ependam
Kazym krawatymyz kiçi oňa 4 adam syganok diýýar
Aýalam o nahili dort adam biz iki bolyp ýatyrdyk diýýa
Ependam
Dort diýýar
Men
Meniň öňki aýalym
We şoňky aýalym
We soňky aýalymyň.öňki äri diýýar
Meniň diýjek bolýanym arzan zadyň arzysy ýok, seniň bn bile ýaşasa ýaşaýandyr welin ilkinjije gören durmyşy ýüreginiň çuňunde ýaşap ýörer, umuman hyýalynda öňki durmyşy, hyşynda bolsa seniň bn diýen ýaly
Hiç kimiň ilki bagty ýatmasyn, ata baba galyň.bar, indi ylalaşýalar, gyz ýerem, ondan çekinip boý ýigit halyňa dul gelne topulmada, pitiklap gyz alsana
Magnewi peyda diyp yazşyñdan belli, "geçmişiñ beni ilgilendirmez, sen nasil birisi olsan'da sana evlenecegim" diyyan ayalbaz turkleriñ añy bilen yazylan zatdygy Hezreti Pygamberimizem alypdyr oza...
Pygamberimiziñ maşgala guruş sebaplerini we şertlerini içgin öwrenman we onuñ alyp baran işlerine dogry duşunman, hazirki yaşlaryñ duşunjesizlik bilen edyan yeñles hereketlerini aklamak hiç bir babatdelbetde bu pikirinize goshulyan...
Saylap öylener, oylener -
diyipdirler, sadagasy bolayn ata-babalarmyz. Ozuni sylayan, ozune gowni yetyan, damarynda turkmen gany gaynayan arly-namysly yigitler dul-pul diyp yormez, gyzyñ gowsuna, enesi öpmedigine oylener
Hezreti Pygamberimizem alypdyr oza...Pygamberimiziñ maşgala guruş sebaplerini we şertlerini içgin öwrenman we onuñ alyp baran işlerine dogry duşunman, hazirki yaşlaryñ duşunjesizlik bilen edyan yeñles hereketlerini aklamak hiç bir babatda dogry bolmaz. bu diñe Pygamberimize dil yetirmek bolar
Şunyña düşünmedimdä awtor. Türkmençä däl.
Olar ýaly añ-düşünjäñi türkmene bir ýokdurma, özüñde sakla...
Gaýgy etme ýene 15-20 ýyldan
Süýt haka derek "Nestagen "haky bermeli borsyňyz
Indi mowzyga geçýas
Öýlenmedik bolyp birniň ulanan zadyny nadip aljak ,ol gyzada degişli gyz bolyp öýlenen ýigde baVooo malatsy
Yone bu mowzuk janymy yakyp yakyp yakyp gitdidä...
Ay borda hiç zat gürlemäýinle gowysy
Magnewi peyda diyp yazşyñdan belli, "geçmişiñ beni ilgilendirmez, sen nasil birisi olsan'da sana evlenecegim" diyyan ayalbaz turkleriñ añy bilen yazylan zatdygy bar...