BU BİR DURMUŞ.....(Tymsal )

Günlerden bir gün obalaryň birinde bir ýaşulynyň eşegi gurruk guýa (suwuny çeken guýy) gaçypdyr. Eşek ýaraly ýagdaýda guýynyň içinde depirjekläp ses edýärdi. Görnüşe görä gaty yza çekýäne meňzeýärdi. Ýaşuly eşegiň sesine ylgap geldi emma elinden hiç zat gelmeýärdi. Eşek haýwan hem bolsa umyt bilen adama seredip göýä meni bärden çykaryň diýýärdi. Eýesi näme etjegni bilmän alaçsyzja iki ýaňa ylgaýardy. Soňra kömege obadaşlaryny çagyrdy. Guýy örän çuň bolanlygy sebäpli obadaşlary hem oňa kömek edip bilmändi. İň soňunda "näm etsegem ýadap kellämizi agyrdanymyza degmez gowsy biz guýyny toprak bilen gömeli ol janawerem ol ýerde jan berip galar'' diýen netijä geldiler. Her kim toprak alyp guýyny örtmek üçin işläp başladylar. Biçäre haýwan her gezeginde üsdüne gelen gumlary silkinip aşagynda galdyrdy. Aýaklarynyň aşagyna alan gumlary biraz köpelip ol hem ol üýşen gumlaryň saýasynda dyrmyşyp guýydan çykmany başardy. Adamlar geň galyp bolanlary sesizje synlady...

Bu bir durmuş, käwagt biziň hem üsdümiz örtülýär, gum atyp tozanlar bilen bizi hem ýok etmek üçin dyrjaşýanlar bardyr. Bular bilen deň bolup bolmaýar. Emma aglap çäresiz galmak hem gelşiksiz bolar. Üsdümize atylan gumlardan akylymyz bilen hereket edip, silkinip, ýagtylyga tarap ädim ätmak has dogry bolar...

Bu bir durmuş, ýolda daşlar hatda uly gaýalar hem öňümize çykyp biler, emma biz olary görüp umytsyzlanman, nädip ol pasgelçilikleri aşyp bolar diýip, pikir etsek has dogry bolar...UNUTMAŇ gijäň hem belli bir wagta çenli möhleti bar ondan soň ýagty bir ertir... Durmuşda hemmäňize üstünlik arzuw edýärin. Allajan garaňkylykda sabyr edip ýagtylyga garaşmany, ýagtylykda hem şükir edip berilen nygmatyň gadryny bilmäni hemmämize nesip etsin...