Käbir durmuşda ýüze çekýan soraglar.

  "Bagt adama hiç zad öwredenok!!!" -"Goýsanaý tmtiger, öwretmän geçsin ýöne men bagtly boljak." diýýänler tapylar. Bolýa men garşy däl, ýöne bagt näme? Ynha şu soragdan soň her kim bir giden tükeniksiz sanawa başlar emma bagtyň belli bir kadasy ýokmyka diýýän. Bagt meň üçin -Başlan işiňi ýerine ýetirip gutarmak, Bagt meň üçin -9 ýaşymda hammamdaky garyjy gyrandy (смеситель) 4 sagat iş edinip çalşanymdan soň Ejemiň ýüzindäki ýylgyran pursady men hakykatdanam bagtly boldym. Şol ýylgyryş şu wagtam ýadymda, şondan beýlägem şol ýylgyryşy görmek üçin elimde baryny edýän. Bagt bizi elmydama gurşap alýar, ýöne biziň açgözligimiz sebäpli ony görmäni unutdyk.
   Baýlyk we Bagt.
 Baýlyk we Bagt iki sany aýry söz. Men Baý adamlary gaty az tanaýan, ýöne pully adamlary köp tanaýan. Mümkin kän sorag çykar -"Ohow!? Pully bolsaň baý bolarsyňda!!! Näme diýýäniňe öziň bir düşünýäňmi?!" Jogap, hawa düşünýän, pullu bolmaklyk baý bolmaklyk däl. Baý adam pully adama garanyňda akylly bolýa, hemem pulsyz pul ýasap bilýä. Men pikirimçe siz meniň diýýän baýlarymy kän tanaýan dälsiňiz, sebäbi olar siziň görýän pully sumaklaryňyzdan tapawutlanýar. Olar pulyň gadyryny bilýä, bir dana adamyň diýişi ýaly "Baý adam puly ýele sowurmaýar, ol garyplaryň işi".
  "Bilmek - akylly bolmaklygy aňlatmaýar"!!!
 Dogrydanam, Meň pikirimçe köpimiz şulaň ara tapawudyny bilmeýäris. Meň özimem köp wagtlap şulaň ara tapawudyny düşündirip bilemokdym. Akyly dünýäniň ýeke mekdebindede öwretmeýäler. Iň gowy okuw hem saňa akyly tapmak barada bilim berer, ondan köp zady berip bilmez. "Akylly adam öz bilýän zadynyň ondan bir bölegini hem gürlemez, akmak bolsa gürleýän zadynyň ondan bir böleginede düşünmez".
 Söýgi...
  Elbetde tmtiger öz mowzuklarynda Söýgi hakda aýtman geçip bilmez. :) Sebäbi dünýä şoň üstünde durýar. Eger siz öz söýgüňizi gorap saklap bilmeseňiz onda ol siziň öz şahsy problemaňyz, Ýöne her bir durmuşymyzda peýda bolýan adam ýöne ýere gelýän däldir! Ýatdan çykarmalyň ähli betbagtçylyklaram diňe gowylyga bolýandyr. Mümkin siz oňa düşünip bilmersiňizem welin ýöne ol şeýle. 
    Bagt adama hiç zad öwredenok, adam diňe öz ýalňyşlarynyň esasynda bir zatlara öwrenip bilýär. Ýeňijiler, Bagtlylar, Akyllylar, Söýýänler, Danalr -ýykylyp şol ýykylan ýerinden turyp, üst-başyny kakyp, daş-töwerekdäki adamlaryň gülkisine üns bermän ýylgyryp, ýoly täze güýç bilen dowam edip bilýändirler.
  
     P.S: Men hiç-hili täze zadam aýtmadym, hiç-hili soraglara jogabam bermedim! Men diňe öz soňky ýigrimi näçe ýylyň içinde üýtgeşik we gaty gyzykly durmuşymyň içinde gören we öwrenen, düşünen zadymyň ondan bir bölegini aýtdym. Men sada ömrümiň her bir pursadyna şadyýan bolmagy başarýan adam. Akyllysyrajagam bolamak, danasyrajagam, hasam size akylsatjak bolamak Garagüjik ýaly! :D