EPL 42. Manchester City vs Manchester United. Premier League. (01.05.2012)

Angliýanyň Mançester şäherine wekilçilik edýän Manchester United hem-de Manchester City klublarynyň öz aralaryndaky oýun Mancunian Derbysy (Ýa-da Mançester Derbysy) diýlip atlandyrylýar. Öz gözbaşyny 1881-nji ýyldan alyp gaýdýan Mancunian Derbysinde bu iki klub dürli derejeli ýaryşlarda 162 gezek duşuşdylar. 50 oýny deňme-deň gutaran şol oýunlarda 68 gezek Unitedliler utan bolsa, 44 gezek Cityliler utmagy başardylar. 131 ýyllyk taryhy bolan Derbyniň ilkinji oýnunda (1881ý) Manchester United myhmançylykda Manchester Cityni 3-0 hasap bilen ýeňmegi başarypdyr. Bu ikisiniň arasyndaky soňky oýunda (2012ý) bolsa, Manchester United myhmançylykda öz garşydaşyny 3-2 hasap bilen utmagy başarypdy.

Iki klub häzirki wagtda dünýäniň iň baý klublarynyň hataryna girýärler. Diňe bu iki Mançesterlileriň klub býužetleri APL-de çykyş edýän ähli kublaryň jemi býužetiniň 1/4-ne deň bolup durýar. Häzirki wagtda Manchester Cityniň ähli futbolçylarynyň jemi bahasy takmynan 467 million €, Manchester Unitediň ähli futbolçylarynyň jemi bahasy bolsa takmynan 418,5 million €.

Mancunian Derbysinde iň köp meýdança çykan futbolçy Manchester Unitedli Ryan Giggs (34 oýun). Iň köp gol salmagy başaranlar bolsa, Manchester Cityniň futbolçylary Francis Lee hem-de Joe Hayes (ikisem 10 gol). Derbydäki iň uly hasaply oýun 1926-njy ýylda hem-de 2011-nji ýylda Cityniň Unitedi 6-1 utan oýunlarydyr, City bu oýunlaryň ikisini hem myhmançylykda utmagy başarýar.

© Batyr

Kim utar?

Manchester City(54%, 12 adam)

Manchester United(36%, 8 adam)

Deňe-deň(9%, 2 adam)