ýyrtyk jorabyň berýän utanjy | exclusive

Hemmäňizi ir bilen salamatlap, Meka TV'nyň "Durmuş we men" atly gepleşigimize başlaýas. 

Edil şu wagt şäheriň merkezinden size ýyrtyk joraplaryň zyýanyndan jebir çekip köçä çykan garamaýak erkek göbeklileriň protestini göni ýaýlymda ýetirýäs. 

Hawa, olar ýyrtyk jorabyň utanjyna sezewar bolanlar. Olaryň ýüregine synmaz utanç ýaralar salnan. Olar ençeme gezek myhnaçylykda ýyrtyk joraplar sebäpli 2-3 sagatlap bir otyrşyny üýtgetmän otyranlar. Ine, ýanymda "ýyrtyk jorap utanjy - kemeltýär özümize bolan ynanjy" diýen plakat bilen ildeşimiz Artyknur dur.

- Artyknurjan, ilki bilen ýyrtyk jorabyň size durmuşda berýän kynçylyklaryny, utançlaryny göz öňünde tutyp size duýgydaşlyk bildirýäs. Şeýle hem size eliňizdäki plakatlar bilen bildirýän protestiňize köpçülige ýetirmek üçin göni ýaýlymda içiňizi dökmäne mümkinçilik berýäs. Kamera sizde, aýdyberiň..

- Menem öz gezegimde biz ýaly ýyrtyk jorabyň utanjyny çekýänleriň ahy-nalasyny eşidip şu ýerlere geleniňiz üçin size minnetdarlyk bildirýän we şu ýerden Türkmenistanyň durmuş taýdan üpjünçilik ministrligine ýüzlenmek isleýän. Bizem jemgyýetdäki öz ornymyzy tapyp bilmegimiz üçin, ýyrtyk jorabyň ejrinden dynmagymyz üçin bizi abat joraplar bilen wagtly wagtyna üpjün edip durmagyňyzy soraýan. Iň bolmanda bu uly masgaraçylyga bir çözgüt tapmagyňyzy isleýäs - diýip, Artyknurjan eli bilen göz ýaşyny süpürdi. Alyp baryjy:

- Artyknur, eger agyr düşmese başyňyzdan geçiren bir ýyrtyk jorap utanjyny ildeşlerimiz bilen paýlaşaýsaňyz?

- Elbetde, çözgüt tapylmagy üçin elimizde baryny ederis. Mundan 1-2 aý öň işde wagtym köne tanşym telefon arkaly günrotan çagy Hudaý ýoly edýändigini aýdyp, duz dadyp gaýtmagymy isledi. Hiç zatdan habarsyz Hudaý ýolyda dawolny aýagymy uzadan bolup otyrdym. Gep gyzyşypdy. Ähli ünsim dostlarym bilen edip otyran gürrüňimdedi. Birdenem aýagym aşagyndan biri gyjyklaýan ýaly boldy. Seretsem, öýüň 2 ýaşlyja çagasy jorabymyň ýyrtyk ýerinden barmajygyny sokup ýüzüme seredip ýylgyryp durdy... - diýip, Artyknur ýene göz ýaşlaryny saklap bilmedi. Säherl wagtdan özüni ele alyp dowam etdi:

-Göz öňüňize gelýärmi? maňa şol wagt nähili agyr degenini. Entegem märekäň az wagtlarydy. Dessine aýagymy çekip, ýygnap otyrdyp tä gaýtýançak. Ol çagajyk ýene aýagymy tarap dyzap duranyny görüp, ogşan bolup elime alan boldym...

- beh... dogryddanam ýeňil däl bolsa gerek....    ýeri bolýar Artyknur, size ýyrtyk joraplaryň derdinden dynyp ýaşamagy arzuwlap şu wagtlykça uzaklaşaly. Gepleşigimizi dowam etmek üçin studiýamyza gitmek gerek.

[Studiýada]

Hormatly tomaşaçylar, ýaňy Artyknuryň agzyndan onuň gynançly durmuş hekaýasyny diňlediňiz. Indi bolsa studiýamyzda biz bilen eýýäm 20 ýyldan bäri ýyrtyk jorabyň dertlerini yzarlap, ony çözmek üçin ýurdymyzda uly işler alyp barýan prof. Dr. Abatgeldi Duzurdyýewiç myhmançylykda. 

- Abatgeldi Duzurdyýewiç, ähli tomaşaçylarymyzyň ilkinji bilmek isleýän zady bu joraplaryň ýyrtylmagy nähili ýagdaýlarda bolup geçýär. Munuň öňüni nädip alsa bolar?

- Esasanam bu ýyrtyk jorap utanjy 18 - 25 ýaş arasyndaky sallah erkek göbeklilerde duş gelýär. Onuň hem ilkinji sebäbi okuw, iş aladasy bilen ir bilen gijä galyp turup, näme geýýändiklerine seretmän howlugyp çykyp gitmekleri. Şol sebäplem jorap haçan ýyrtylypdyr ýa haçan ýyrtylyp biler ýaly soraglary jogapsyz goýýar. Ýeri gelende aýtsak, 18-25 arasyndaky erkekler okuwda-da, işde-de aktiw hereketde bolýarlar. Onsoň jorap bilen köwüşiň dowamly sürtülip durmagy, arzan we sintetik joraplaryň çalt we duýdansyz ýagdaýda ýyrtylmagyna sebäp bolýar. Galyberse-de, 1 ýa-da 2 günläp çalşyrylman ýa çykarylman geýilen jorap hem töwerege zyýanly hem çalt ýyrtylagan bolýar.

- hmm.. onda siziň belleýşiňiz ýaly ir bilen näme geýýänlerine üns berip geýip gitseler bu mesele çözüljek-dä?

- ýok, beýle aňsat çözüp bolanok. Käbir ýaşlar ir bilen ýarym sagat skaflarynda sermenibem abat jorap tapyp bilmeýän wagtlary bolýar. Bu ýagdaýda çözüm ýekeje bolýar.

- ýeri?

- öýlenmek. ir bilen turup şkafyňyzda abat jorap tapyp bilmeýän bolsaňyz, bu siziň haýal etmän sallahlykdan çykyp öýlenmegiňizi aňladýar. Iň bolmanda akuratnyja tikilen joraplar gaty bir uly utanç bermese gerek..

- örän dogry. ähli beren gyzykly gürrüňleriňiz we maslahatlaryňyz üçin size uly minnetdarlygymyzy bildirýäs we edil şu ýerde gepleşigimizi tamamlaýas.

Ähli ildeşlerimize bolsa ýyrtyk jorap derdine düşmezligi arzuwlap hoşlaşýas...