Ýeňiş - siziň üçin näme diýmek?
Kerim aga ýeňiş barada şeýle ýazýar:
"Ömür – adam üçin gymmat zat. Emma
Ölüm hem gerek zat islände döwür.
Ölümsiz göreş ýok,
Göreşsiz Sen ýok,
Sensiz bolsa
kime gerekmiş Ömür."
Bu setirler şahyryň "Oýlanma baýry" (PDF görnüşi enedilim.com-da bar) atly kitabynda duş gelýär.
Şahyr "Sen" diýip ýeňişe ýüzlenýär, onsuz ömrüň manysy ýokdugyny aýdýar. Emma biz bu gün "alyjy" jemgyýetde hedonistik hilde ýaşaýarys we kiçijik manysyz göreşler alyp barýarys. Biziň alyp barýan göreşlerimizde ölümi nazarda tutmaýarys, we ölümli göreşlerden daşda durjak bolýarys. Ynamyň üçin ölüme gitmek, ýeňişmi? Ölüm bilen ýetilen ýeňiş özüni delillendirýärmi?
Siz bu setirlere nähili garaýarsyňyz?
Arhiwiň ýagdaýy
● Doly tekst
● 4/4 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗
Teswirler 4
Ynamyň üçin ölümi göze almak gahrymanlyk. Ýöne gahrymanlyga meňzeş häsiýetler dälilerde hem bar. Käte umumyň peýdasy üçin şahsy peýdalardan geçmek hem gahrymanlykdyr. Ýöne diňe gahrymanlyk görkezmek üçin ölüme gitmek akylsyzlykdyr. Şowmenlikdir. Derýadan gaçyp deňize batmakdyr. Umumyň peýdasyna däl, şahsy üçin gahryman adyny almak üçin ölüme giden adam ýeňiji däldir. Gahrymanlar ölüme taýyndylar, emma ölümi isläp edenokdylar. Şertlere görä hereket edýärdiler. Şertleri ölüme gönükdirenokdylar. Başga çykalga bolmadyk ýagdaýynda ölümiň üstine ýöreýärdiler.
Kerim aganyň bu setirlerdeki agzan ýagdaýy, ana şol şertleriň ölüme eltýän wagty sypaýçylyk etmän, soňyna çenli göreşmek baradadyr. Ýogsam kiçi kiçi göreşler manysyz däldir. Ölmeden ölmek, ýagny nebsi isleglerden geçip, 'hedonistik' ýaşaýyşa garşy çykýan, çagasyny ulaltmak üçin her gije ukysyndan pida etýän eje gahryman, Öz keýpine sarplaman wagtyny maşgalasy üçin sarplaýan kaka gahryman, işinde mümkinçilikler bolsada harama bulaşman watanyna gulluk etýän ofiserler, döwlet işgärleri gahryman, kynçylyklary saýlap rahat durmuşy taşlap gelen esger gahryman, milletiň ýüzi gülsin diýp aglaýan dertli adamlar gahryman. Bulary kiçi we manysyz görmeli däl.
Yza yol yok diñe öñe gitmeli. Ya ölmeli ya maksada yetmeli
Käwagt öňe bir ädim ätmek üçin yza iki ädim ätmeli bolýar.