2009 ÝOKARY TEHNOLOGIÝANYŇ TÄZE GAZANANLARY

Bu ugurda-da ykdysady çökgünligiň bolandygyna garamazdan, 2009-njy ýylda ýokary tehnologiýa pudagynda ençeme degerli wakalar bolup geçdi.

Bu wakalaryň käbiriniň wajyp bolmagy tehno­logiýa bolan garaýyşlarymyza düýpli täsir ýetir­di. Mysal üçin, bu ýyly “Windows 7” ulgamyn­da täzeliklere garaşylan ýyl diýip hem atlandy­ryp bileris. Bu ulgam arkaly işleýän enjamlar “Windows 7”-niň çykmagyndan has öň peýda bolup başladylar. Kompýuter öndürýän şere­ketleri bu ulgama örän ýokary baha berdiler. Munuň subutnamasy bolsa olaryň öz enjamla­ryna “Windows 7”-niň synag wersiýalaryny goýup satmaklary bolup durýar.

Ýanwar

8: “Akylly klawiatura”. “ASUS” şereketi klawiatura şeklinde ýasalan”Eee Keyboard PC” kompýuterini satyp başlady.

9: Dünýäniň ilkinji 1 TB-lik “SSD” gaty diski satylyp başlandy.

21: “AOL” şereketi “ICQ” dessine habar alyşmak programmasynyň protokolyny üýtget­di.

Fewral

2: 60 ýyl işläp bilýän diod lampa oýlanyp tapyldy.

3: Hindistanda bahasy 20 dollar bolan dünýäniň iň arzan notbuky öndürilip başlandy.

11: “Intel” şereketi 32 nm prosessorlarynyň ilkinjisini görkezdi.

12: “Palm” şereketi “PalmOS” operasion ulgamyny ulanmagy bes edip, önümlerinde “WebOS” hem-de “Windows Mobile” ulgamlaryny ulanyp başlady.

Mart

2: “Philips” şereketi bir zarýad bilen 50 gün işleýän jübi telefonyny köpçülige tanatdy.

8: Ykjam diskiň (“CD”) doglan güni.

31: “Twitter” ulgamy şeýle bir meşhurlyga eýe boldy welin, indi öndürilýän her bir enjam Internete çatylanda bu ulgamda işläp bilýär.

Aprel

1: “Google.ua” Internet adresi “Google” şereketiniň eýeçiligine geçdi.

6: “Fujitsu Limited” şereketi “Fujitsu Siemens Computers” şereketini satyn alyp, oňa “Fujitsu Technology Solutions” adyny berdi.

8: “NVIDIA Ion” platformasynda döredilen nettop “Acer AspireRevo” satylyp başlan­dy.

Maý

15: “AMD” şereketi dünýäniň ilkinji 1 Ghz tizliginde işleýän grafiki prosessoryny öndür­di.

25: Internet syýahatçysy “Google Chrome” programmasynyň 2-nji wersiýasy çykdy.

Iýun

3: “Google” şereketiniň gözleýjisine bäsdeş hökmünde “Microsoft” şereketiniň “Bing” hyzmaty açyldy.

16: 2 TB-lik “USB” fleşkalaryň standarty “SDXC” tassyklandy.

19: “Apple” şereketiniň meşhur jübi telefony “iPhone 3Gs” satylyp başlandy.

Iýul

8: Netbuklar üçin niýetlenen operasion ulgamy bolan “Google Chrome” müşderilere hö­dürlendi.

30: “GoogleMaps”-da Ukrainanyň awtoýollaryny hem-de uly şäherleriniň kartalaryny görmek mümkin boldy.

31: “Nikon” şereketi “D300s” fotoapparatlaryny satyp başlady. Bu enjamlarda 2 sany ýat kartoçkasyny ulanmak bolýar.

Awgust

7: Fizikler elektrony bölmegi başardylar.

12: Golliwud “RealDVD” programmasyna garşydygyny beýan etdi.

Sentýabr

22: “Samsung” şereketi 2 ekranly “ST550” fotoapparatyny satyp başlady.

“Intel” şereketi 22 nm tehnologiýasy arkaly öndürilen ilkinji prosessoryny görkezdi.

30: “Google” şereketi 100 müň ulanyja “GoogleWave” hyzmatyny ulanmaga mümkinçi­lik berdi.

Oktýabr

6: “Windows Mobile 6.5” operasion ulgamy çykaryldy.

20: “Apple” şereketi täsin syçanjyk – “MagicMouse”-y öndürip başlady.

22: 1 ýyldan bäri sabyrsyzlyk bilen garaşylýan “Windows 7” operasion ulgamy halk köp­çüligine hödürlendi.

Noýabr

4: “USB 3” tehnologiýasy arkaly işleýän ilkinji fleşka öndürildi.

10: Kompýuter wiruslarynyň ilkinjisiniň doglan güni.

Dekabr

10: “Intel Core i3” hem-de “Intel Core i5” prosessorlary öndürilip başlandy.

12: Indi “Google Chrome” “MacOS” operasion ulgamynda hem işleýär.

18: “Samsung” şereketini döreden “Bada” operasion ulgamy halk köpçüligine hödürlen­di.