Küýsärin diýip gorkýan.
Gorkýan. Özümi unudaryn diýip gorkýan.
Bu dünýäñ hödür edip biljek ajaýyp we o diýen ajaýyp däl zatlary üçin açyk bolan günlerimi unudaryn diýip gorkýan.
Wagtyñ geçmegi bilen ýüzümde adamlara bolan ynamdan, mähirden nam-ny$an galmaz öýdüp gorkýan.
Adamlara hem duýgulara hamana öz bahasy bar bolan haryt hökmünde garap ba$laryn öýdüp gorkýan.
$u çaka çenli ýa$ap ýören, ömrümdäki gymmatlyklaryñ biri bolan-duýup bilmek ukybymy ýitirerin öýdüp gorkýan.
Ýylgyrmagymy bes edip da$dan ýasalan maskany geýip ýörerin diýip gorkýan.
Bir wagt gözlerimde bolan döretmäge,söýmäge, uçmaga ylham berýän oduñ öçmeginden gorkýan.
Ömrüme manyly hem ýagty günleri getiren adamlaryñ atlaryny unudaryn öýdüp gorkýan.
Indi begenji,gynanjy, y$gy, ýigrenji-ilkinji gezekki ýaly duýup bilmerin öýdüp gorkýan. Sebäbi her gezekkide öñkiden has hatyrjem, ätiýaçly, paýhasly,biraz zalymrak bolýanymy duýýan.
Öz ýalñy$larymdan sapak edinmegi gorkýan. Sebäbi bu sapaklar bilen parhsyzlyk, göwnigeçijilik, ynanmazçylyk, ýokardan garama ýaly häsiýetler gelip ba$laýar.
Edil $onuñ sebäplem mende bolan inçe hem ýagty duýgularym gider. Näziklik gider.
Özümi ýitirmekden gorkýan...
Hawa, ýöne täze has gowylar geler. Ba$ga adamlar, ba$ga atlar. Ba$ga "duýýan", "bagy$la", "küýseýän"-ler geler.
Mende bolsa bu zatlara bolan duýgy has peseler, hat-da bildirmeýän derejä ýeter. Gözlerimdäki alaw bolsa ýöne bir uçgunjyk bolup galar. Ýüregimiñ urgusy bolsa meniñ hakyky pikirlerimi aýan etmez...
Gorkýan. Hakyky özümi küýsärin öýdüp gorkýan.
Arhiwiň ýagdaýy
● Doly tekst
● 45/45 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗
Teswirler 45
Okanyňa görä şeýle temalary okaýsaň
Yalancy dunyaden gorkyan
Shu yazanlanyza sizin oylanmanyzmy bolyamy ? Aytjak bolyanym oylanmamy shu tema ya bashga bir mowzukdamy?
Mende $u zatlar boldymyka diyip gorkyan.
oýlanmalam
meniň akyljygym ýetmedi buňa( haýsy žanrdygynam bilemok) awtor, bagyşla biz bir sadja ýazgylary okap endik eden
hmm dushundim sag bolun
Kynçylyk yok Ejizlik bar dünyadeG.E
häzir $u 1merdan gelibä analiz edip ba$lar diýipdim içimden 🙂 bu bir ýönekeýje oýlanma
ýokla menä manitora seredip gözüm ýadap gitdi düşünjek bolyp
Ejizligema bardyr welin kynchylygam yetik
Kynçylyklar garşysynda EJİZLİK etmesek KYNÇYLYGY yeneris
Talyp gyz, men entek ejizlik hakda söz açamoga. Köplenç newtemu ýazýañ sen.
Kynçylyk hakda aýtsamam- durmu$da böwsülip geçiljek kynçylyklardan soñ, $u ýokardaky aýdanym ýaly bolmagymdan gorkýan.
Lady, sena tuweleme romantik bolup gidipsin, ozune blog ya saytjagaz acynsan giren kop bolar.
Ay şo gorkyan zatlaryndan name üçin gorkyan? Ejizlikden ...
bir wagt romantikdim, naoborot indi ondan da$la$ýan.
jan joram, ejizlik däl ol, ejizlik däl! Gerek ýerinde mertlige öwrülýän ranimost diýlen zat bar, ýöne señ diýýän ejizligiñ ýok.
Salam Lady oylanmanyza sözüm yok,minnetdar paýla$anynyza.Alla govsuny etsin,ýüreginize ginlik bersin.
Men bolsa ýylgyrmagy unutmakdan,käbir yakynlarymy ýitirmekden,garramakdan,ölmekden gorkyan(
gaty dogry, Lady! chyndanam gun gechdikche adamlara bolan ynamyn hem azalyp gidyar... yuregmiz gatylashyp bashlayar. emma yakynda shuna goz yetirdim, biri ynamyny odemedi diyip ondan sonky ynamdar adamlara da ynamsyzlyk etmek dogry dal. gunalilerin aryny gunasizlerden almak yaly bolya by. elbetde erbet adam hem kandir dunyade emme olaryn hichbiri, shol sebli ozuňi uytgedeniňe, içiňdäki 'masumiyeti'(päkligi) öldüreniňe degmez. In gowusy we ozun chinem in amatlysy sana erbetlik eden ahli kishileri unutmak we oz ichingden bolsa da çyndanam bagyshlamak. dine shonda yuregin hem rahatlar. Hayat kotulukleri dushunecek kadar uzun degil. Hayat guzeldir, guzel olmayan hersheye ragmen =)
👍