Ýaşaýyş wagty duýmakdyr (oýlanma)

Säher Güni Garşy almaga oýan

-Şapagynda şu günüň ak patasy..  

  Dogrusy,
men bu setirleri öňem gaýtalapdym. Öňem bu setirler wagt hakda oýlananymda
serime dolupdy. Käte pikir edip görýän welin, şu garşylan on sekiz baharymyň
dowamynda boş geçirlen ýarym sagatlaryň, pursatlaryň özi bir müçäni doljak.
Şonsuzam-a, adam ömrüniň üçden bir bölegi ukuda geçýär. Dogry, bu görkeziji
hemme kişä degişlem däl. Çünki, Nobel baýramynyň eýesi I.P.Pawlow günüň
dowamynda 4-5 sagat. dokuz ýaşyna çenli düzüwli gürläp hem bilmedik Albert
Enşteýn günüň dowamynda 2 sagat ýatypdyr. Onore de Balzak bolsa günuzyn diýen
ýaly işläpdir. Türkmeniň almaz zehinli ogullary, belli Ahmet Bekmyradowyň
gijelerine gözüni gyrpman diýen ýaly ylmy işlerini ýazandygyny, şahyr
Gurbannazr Eziziowyň agşamlaryna, hemmeleriň ukuda wagty goşgy döredendigini,
deň-duşlary ýatlaýarlar. (emma olaryň şol ukusyz geçirlen gijelerinde näçe kofe
gabyny boşadandyklaryny hem belli däl, bu esasy zat hem däl) Meger şonuň üçin
olar Balzakdyr, Enşteý, Ahmet Bekmyratdyr, Gurbannazar Ezizow boldular. Men
bolsa şonda-da, ýen eözümi köşeşdirmek isleýärin.Salgyma meňzeş düýşlere
aldanyp, gereginden artyk ýatýarkam, käteler bolsa şol düýşleri maksadyna
gowuşmanka oýananyma gynanyp durkam hem özüni köşeşdirjek bolýaryn. Bu babatda
Power : " Düýşleri hakykata öwrülmegiň iň gysga ýoly oýanmakdyr"
diýär.

Akyldararyň
köpüsiniň wagt hakyndaky garaýşlaryna seretseň, olaryň köpüsi wagty pulbilen
ölçemegi dogry hasaplaýarlar. Olar “Wagtyň puldugyny unutma!”, “Puluňwagtdygyndan
habarsyz bolup, ony ýele sowýarys», “Wagt diňe bir pul bolman, eýsem göýberen
ýalňşlyklarymyzdyr” diýip, öwran öwran aýdylypdyr. Menem indi ýitiren wagtlarymy
pul bilen ölçejek, hasaplajak bolýaryn, emma asla-da göz öňüme getirer ýaly
däl. Ah, siz gündekilomaýlap-lomaýlap sowan pullar. Gör, näçe adamyň haýyşyny
bitirmäge ýaltanan pullar. Düýşleri gujaklap ýatan ýüzlükler, haýdamaga
ýaltanan teňňeler. Garazm alymlaryň wagta berýän gymmatlyklaryna görä
hasaplasam, bir jahyl müçesinde ýitiren wagtym “Miçrosofty” esaslandyryjy Bill
geýtsiň pulunyň möçberine barabar boljak. Walentin Borisowyň “Wagt hem, iň
bolman-da puldur, emma näme üçindir, hemme kişi onuň üçin gapjyk göterenok”
diýen szölerine indi düşünip başladym.

Käte durmuşymyzda
käbir adamlaryň belli senelere , ýatda galyjy wakalara "Ömrüňde ýeke
gezekbolýar", Şeýle waka indi gaýtalanmaz" diýen ýaly sözlere
eşideniňde gynanýarsyň. Geçen zadyň gaýdyp gelmejegine hemmäde mälim. Emma
Gurbannazar Eziziowyň:



Bir Gezek söýmek bar ýagty

                                     dünýäde,

Ýaşamagam iki gezek

                                    berlenok...



diýişi ýaly,
islendik waka-da, pursat-a, belli bir gündäki bolýan sagatlaram, minutlaram,
hatda sekuntlaram adam ömründe birje gezek gaýtalanýar ahyry. Şol minutlary
ýatda galyjy pursada öwürmek özümize bagly...

Balzak: “Garaşmagy
başarýan adamlar üçin ähli zat wagtynda gelýär” diýär. Biz bolsa bu ajaýyp
setirlere köplenç ýalňyş manyda ulanýarys – ýaltalyk bilen sabry bir zatdyr
öýdüp ýörüs. Wagt çalt-çaltdan üýtgäp dur, ol bizi hem şol durşumyza goýanok.
Bizem wagt bilen bile üýtgäp durus. Köplenç “Wagt haýal geçýär” ýada “Wagt
şeýle bir çalt geçýär” diýip zeýrenýäris. Wagtyň çalt geçýänini sagadyň
dillerinden görjek bolýarys. (Emmasagadyň dilleriniň tizligini biziň özümiz
üýtgedýäris) Aslynda bolsa, wagt Kaplanyň “Wagt hem pula meňzeş, tygşytly
ulansaň, hemmezada ýeter” diýşine-de meňzemän duranok...

“Sähelçe gidirlen wagt birnäçe mümkinçilikden
saklaýar” diýilýär. Aňlan pikirimizi durmuşa geçirmegiň iň gowy wagty bir
sekunt mundan öň geçdi... Ýöne ikinji bir gowy wagt hem bar. Ol bolsa edil şu
pursatdyr. Şonuň üçinem
Allanyň peşgeş beren wagtyny bihuda geçirmän, durmuşda öňümizde goýan ýagşy
maksatlarymyzy, ak arzuwlarymyzy aşyrmak üçin tijeniň! Wagt garaşmaýar...