"HAS GOWUSYNY" nähili saýlamaly?! (2)

DOWAMY...

Ýaşy  ýeten ulygyzlaryň birine sawçylyga barypdyrlar. Ýigit hakda gyza ýaňzydypdyrlar. Belki, gyzyň ýürek töründe başga bir ýigit orun tutandyr ýa-da tarypy ýetirilýäne göwni ýeten däldir, tassanjyrap barşyna: "Şol oglana branymda-na, ite durmuşa çykanym HAS GOWY" diýip dillenipdir.

Uzak wagt geçmänkä, şol idegli gyzyň bagty açylypdyr, başga birine durmuşa çykypdyr. Dogry, ol hakyky ite barmandyr, ýöne it häsiýetli biriniň alnyndan çykandygyny il-gün henizem ýatlaýar. Sebäbi, ol "HAS GOWUSYNY" özi saýlapdyr, özi dile getiripdir.

Talyplyk döwrümizde, bahana tapsa, oba gidesi gelýän bir deň-duşumyz bardy. Aglaba halatda hem garyy ene-atasyny bahana edinerdi. Gürrüňleriniň käbirinde garry ene-atasynyň dikgirdäp ýörşüni dile getirip, öz ýanyndan "tüweleme, garry hem bolsa bizden sagat" diýip, gürrüň bererdi. "Şularyň barlygy bahana üçin HAS GOWY. Garry bolansoňlar, ýaranok diýseň, ýagdaýy boldugyndan rugsat berýärler" diýerdi. Ýöne her gezek şeýle rugsatdan dolanyp gelende: "Bardym welin, dogrudanam, enem ýa-da atam ýaraman ýatan eken" diýerdi. Sebäbi, ol baş bahanasy hökmünde şolary HAS GOWY dile getirýärdi.

DOWAMY bar...