Galstuk nirede döräpdir?

Häzirkizaman geýnüwli erkek kishiniñ boýnundaky galstugty ony has-da salyhatly görkezýär.Galstuk medeniýetlilikden nyshan hasabat edilýär.Galstugyñ nähili dañylýandygyna,ýasylylygyna-inçeligine,reñkine,beýleki eshikleri bilen utgashyshyna parh goýmagy basharmasañ,tersine,ol seni medeniýetsizem görkezip bilýär.Özüñde sheýle uly manyny göterýän,dünýäniñ ähli milletleri tarapyndan dakynylýan bu bir bölek mata haýsy halkyñ geýimine degishlikä?Beýle meshurlyk oña nireden geldikä? "galstuk" sözi rus sözümi?
Galstugy ýa-da boýun ýaglygyny Ýewropada ilkinji bolup gadymy rimliler dañypdyrlar.Shonuñ ýaly-da gadymy Hytaýda hem boýnuña ýaglyk dañmak däbi bar eken.Gadym Rim dargandan soñ häzirkizaman rumynlaryñ orta asyr taýpalary rimlileriñ adynyñ,diliniñ we däpleriniñ mirasdarlary bolupdyrlar.Shol däplerden biri hem boýnuña ýaglyk dañmakdyr.Olardan bu däp häzirki horwatlaryñ ata-baba ýurdy Kroatiýa geçipdir.Bir uly söweshden ýeñish bilen Parije gaýdyp gelen kroatly esgerleriñ boýny ýaglykly eken.Olaryñ boýunlaryna ýaglyk dañmaklary shol wagtky francuz patyshasynyñ hoshuna gidipdir.Soñ shol kroatlardan özbashdak goshun bölümi döredilip,olaryñ boýunlaryndaky ýaglyklary tapawutlandyryjy nyshanlary bolup hyzmat edipdir.Shol reñkli mata bölegine,ýaglyga soñ kroat diýip at beripdirler.
Kroat häzirkizaman galstuklaryñ iñ gadymy görnüshidir.Galstuk sözi bolsa nemesleriñ "gals-boýun", "tuk-ýaglyk" sözlerinden emele gelendir.Ony ruslara ilkinji bolup Pýotr1 getiripdir.
INDI BOLSA GALSTUGY ESHIGIÑE GÖRÄ SAÝLAMAGYÑ USULLARY BARADA:
Açyk reñkli ýaz we tomsuna geýilýän ýeñil penjege(kostýum) ýüpek matadan edilen dok hem özüneçekiji ýagty reñkli;
Garamtyl köýnegiñ üstünden geýiljek açyk reñkli penjege görä gök,gyrmyzy reñkli;
Açyk reñkdar köýnegiñ üstünden onuñ reñkine ýakyn reñkli;
Garamtyl gysh penjegi bilen galyñ matadan edilen sheýle penjegiñ içinden garamtyl,düz reñkli köýnek geýmekçi bolsañyz ýagty reñkli;
Gara penjek,ak köýnek bilen düz ýa-da güli owunjak galstuk oñat gelishýär.
Elbetde, "kim gaýkyny söýer,kim küýkini" diýilishi ýaly,esasy zat öz islegiñize bagly.Galstuk ony dakynana artykmaç dert bolman,göwnüni götermelidir.
Üns bereniñiz üçin sag boluñ!