On sekiz ýaşym.
Ýüregiň böküp dur, dünýä sygaňok,
Sähel zada gülen on sekiz ýaşym.
Uly dünýä bir garaýşa degenok,
Wah, özgesi ýalan, on sekiz ýaşym.
Duýmandyryn neneň niçik geçeniň,
Bu toýlarda tans oýnap, serden geçenim.
Ol gözeliň gözlerine gaçanym,
Girdaba gark bolan on sekiz ýaşym.
Çolaşasyň geldi dilber näzine,
Sataşasyň geldi söýen gyzyňa.
Biygtyýar düşdüň gitdiň yzyna,
Ýatlamadan gelen on sekiz ýaşym.
Göz astyndan ogryn-ogryn bakmalar,
Wada berýär, wagty bilen çykmaýar.
Agşam aý yşgyna şöwür çekmeler,
Bar wagtyňy alan on sekiz ýaşym.
Ähli ahmyr, armanlarymy alardym,
Näme etjegim indi bilerdim.
Diläniňe bitse ýatyp dilärdim,
Ýeke gezek dolan on sekiz ýaşym.
Diýdi: “şahyr, gury hyýal haýyşyň”,
Ýyllar gulagyma çakdy çawuşyn.
Indiki ýaşlardan ýalňyz haýyşym:
Gadryny biliň on sekiz ýaşyň...
Goshgularyñ awtory Toýly Öwezow.
Arhiwiň ýagdaýy
● Doly tekst
● 29/29 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 29
Söýüpmidiň sen...
Sen meni gozgadyň, ýadyma düşdi,
Göz öňümde galan jadyly keşbi.
Diňe şol gyz hakda, ählije goşgy,
Ýada özüm bolup söýüpmidiň sen.
Birahat deňziň tolkunna meňzäp,
Güýjümiň çäginden çykypdyň dyňzap.
Seň özüňe laýyk bilmedim bezäp,
Käte ejizlänim duýupmydyň sen.
Ýörjen-ýörjen edip tutduň elimden,
Ahyry boýun boldum, sadyk guluň men.
Göterjekdim, bilmän sypdyň golumdan,
Ykbalyma ýazylan aýypmydyň sen.
Aýyplaň dargatdy dostlaň ýygynny,
Hozanaklar bolup aýlandygymmy.
Kyn bolanda ýene saňa sygyndym,
Bolşuma bir özüň haýykmadyň sen.
Kimler saňa Allaň ady diýdiler,
Kimler Allaň beren zady diýdiler.
Ömür boýy sygyndygym, uýdugym,
Hakdan berlen ýada halykmydyň sen.
Indiki ýaşlardan ýalňyz haýyşym:
Gadryny biliň on sekiz ýaşyň...
- 18 yasamadyklara maslahat
Çyndan söýmeli
Bazygär ýeri däl yşgyň meýdany,
Munda käte otly köýnek geýmeli.
Aklyň haýran eden niçik söwda bu,
Eger söýjek bolsaň çyndan söýmeli.
Bir pursatlyk bu dünýäni gülleden,
Göz öňümde galdy elwan öýmeli.
Ömür ýatlamadan gidip bilmedim,
Eger söýjek bolsaň çyndan söýmeli.
Erkiň gidip demiň-deme degende,
Edebi eşretden öňde goýmaly.
Söýgi päk bolanda galar belende,
Eger söýjek bolsaň çyndan söýmeli.
Biri diýdi: 'sen bolmasaň senemjan
Häzirki gyzlara şeýle diýmeli'.
Söýgüni ownatsaň aşyklar ynjar,
Eger söýjek bolsaň çyndan söýmeli.
'Söýgi hasap bilen' diýdi bir gelin,
'Eýýäm gelejegiň gamyn iýmeli'.
-Yşkym bilen oýun etme dur gelin,
Eger söýjek bolsaň çyndan söýmeli.
Ýogsa oň ýeterlik azaby bardyr,
Hem güzaby bardyr ýanyp köýmeli.
Çyny bilen söýýäne mähirdir, nurdur,
Eger söýjek bolsaň çyndan söýmeli.
Söýgi Allaň Adamata peşgeşi,
Manysyzdyr başarmasaň duýmagy.
Meniňem ýaşlara etjek wesýetim:
Eger söýjek bolsaň çyndan söýmeli.
Berekella.
Tuweleme bet dos
Owadan okayarey shu adam, videosy bolmaly
onsekiz yaş ........ gowyja dowrun keni. Gadryny bilmeli yaş
Goshgulary diysen manyly, awtoryn beyleki goshgulary hem bar bolsa bize yetirseniz minnetdar bolardyk...
Bet go$gular ekenidao manyly 8-)
tuweleme gowajmysh sag bol.
gowja gosgujiklar
Hakyky 18-de.
Wah 18 im
Wah gaýdyp gelmez 18 ýashym. Sagbol awtor
Sagja bol Ýegenjan, Awtory Toýly Öwezow bolmaly gerek e$dipdim
👍
Men özümü gaty söyan,özüme birzat bolsa yaşap bilmeyan
Hawa, özüni söýmani başarmadyk başganyda söýüp bilmez
Wah, shol shahyryñ adyny özümem bilmedimda Merdan dost. Toýly Öwezow bolsada dogramdyr bu. Mende audiozapisi bardy, goshgyny labyzly hem owadan okaýar. Tüýs goshgy diñlän ýaly bolýañ okanda.