DOSTLARY aýaň...

Akyp barýan ýyllar
Garradýar bizi,
Biperwaýrak edýän bolmagam mümkin.
Söwer dostuňyza seresap boluň!
Dost ýitirmek aňsat,
Tapmak weli kyn.

Atyňyz büdrese, yzly-yzyna,
Ony günälemäň,
Günäläň ýoly.
Dostuňyzy çalyşmaga howlukmaň, 
Hamana eginbaş çalşyran ýaly.

Sen hergiz gyssanma,
Sabyrlyrak bol.
Dosta geçirimli bolmagy başar,
Hemem ýalňyşyny ýatladyp ýörme, 
Ol mydama onuň ýadyna düşer.

Men muny başymdan geçirip gördüm,
Süýtde agzym bişdi, 
Gaýnady uçuk.
Näçe dostlarymy özüm taşladym, 
Näçe dostlar gitdi gözümden uçup.

Soň olary küýsäp näler ökünýäň,
Ýöne synan göwün seýik tutanok.
Bir zadym kem ýaly, garap otursam,
Şol ýitirlen dostlar maňa ýetenok.

Belki, degensiňiz meniň göwnüme, 
Ýa-da özüm degendirin,
Kim bilýär?!
Meniň birmahalky söwer dostlarym,
Ah, sizi nähili göresim gelýär.

Döwran Abdyresulow, talyp