KEMÇILIGIŇ gözel taraplary

Gadym wagtlarda bir suwçy boýnundaky taýakdan uly bedreleri sallap, patyşanyň köşgüne suw daşar eken. Suwçynyň bedreleriniň birisi deşik eken. Abat bedre her gezek öz eýesine suw alyp gaýdan ýerinden tä köşge çenli suwuny dolulygyna getirer eken. Deşik bedre bolsa, guýlan suwuň bary-ýogy ýarysyny getirip biler eken. Bu waka iki ýylyň dowamynda her gün şeýle gaýtalanyp durupdyr. Suwçy patyşanyň huzuryna bir ýarym bedre suw getirip bilipdir. 

Abat bedre özüniň doly suw getirýänine begenen wagty görgüli deşik bedre hem ýarym bedre suw getirýänine utanypdyr. Iki ýylyň dowamynda utanyp ýören deşik bedre ýoluň ugrunda eýesine ýüzlenip:

 - Özümden utanýan we senden ötünç soramak isleýän - diýipdir.  

- Näme üçin? - diýip, suwçy bedreden sorapdyr.

 Bedre näme üçin utanýanyny aýdypdyr.  

- Çünki men iki ýyldyr deşigimden suw syzdyryp, suwuň bary -ýogy ýarysyny daşap gelýän. Sen bolsa şunça işläniňe garamazdan, men sebäpli almaly aýlygyň ýarsyny alýarsyň - diýipdir. 

Suwçy deşik bedreden suw alyp gaýdanlarynda ýoluň ugrundaky güllere üns bermegini haýyş edipdir. Suwçy guýydan suwy çekip, patyşanyň huzuryna barmak üçin ýola düşüpdir. Ýolda ýaňky deşik bedraniň günüň şňhlesine parlap duran güllere gözi düşüpdir. Gülleri synlap gelýän bedre ýoluň soňuna gelende, suwunyň azalanyny görüp, ýene-de gamgyn ýagdaýda eýesinden ötünç sorapdyr. Suwçy: 

- Sen güllerin diňe seniň tarapyňda bardygyny we beýleki bedräniň tarapynda gülleriň ýoklugyny gördüňmi? Munuň sebäbi seniň ýagdaýyňy bilmegim we ondan peýdalanmagymdyr. Ýolda seniň tarapyňa gül tohumlaryny sepdim we her gün suw alyp gaýdanymda sen ony suwardyň. Iki ýyldyr men bu owadan güllerden çemen bogup, patyşanyň köşgüni bezedim. Eger sen beýle bolmadyk bolsaň, onda patyşa öýünde beýle owadanlyklary görmezdi - diýip bedrä düşündiripdir. 

Bu sözleri eşden kemçilikli bedre özüni örän bagtyýar duýdy.

Esger gazeti