Işe ýerleşjek dalaşgäre: Ozalky işden näme üçin çykandygyňy nädip aýtsa bolar

Ýaňsylamagy bes edeliň.
Ozalky işiňden çykmagyň sebäpleri hakyndaky soraga jogaby pikirlenip, üç sany şerti berk ýatda saklaň. Birinjisi: ozalky ýolbaşçylary ýaňsylamaly ýa-da işdeşleriňden zeýrenmeli däl. Ýogsa, rekrutýor sizi özünden başga hemmelerden hemişe nägile adamlardan diýip hasaplamagy mümkindir. Dogrudan hem, – belki, ol täze iş ýerinde hem, başlygyny duşmany, işdeşlerini – göripleri saýýan şeýle dalaşgäri işe hiç kimiň kabul edesi gelmez.
Ruhubelent boluň: ozalky şefi «gözüne basyp» ýaňsylamaň, bu siziň karýeraňyza hiç hili abraý getirmez. Işdeşleriň we başlygyň kemçilikleri hakynda gowusy dil ýarman, işiň umumy mazmunyndan, siziň hakykatdan hem isleýän işleriňiz bilen meşgul bolmakdan ugur alyň. Şunuň bilen birlikde «özleri bir işlänok, beýlekilere’de işlemäge ýol bermeýän» «sowatsyz işdeşler» hakynda gürrüň etmän, diplomatik äheňde şeýle beýan edilse gowy bolardy: «Men ozalky ýolbaşçylara we işdeşler ýoldaşlaryma gaty minnetdar, men olardan gaty köp zatlary öwrendim. Indi men ýene’de öňe gitmek, hünär taýdan kämilleşmek isleýän. Biziň kiçijik firmamyzda bu mümkin däl-di, şonuň üçin hem men uly kompaniýalardan iş gözleýär». Şunuň ýaly jogap sizi rekrutýora dawagär däl’de, işine bolan ýokary talaply işgär hökmünde görkezer.
Hatda siziň ozalky kompaniýadan gaýtmagyňyza esasy sebäbi bolan hem bolsa, ýolbaşçylar tarapyndan edilýän sütemlere hem şikaýat etmek geregi ýokdur. Rekrutýora şunuň ýaly wakalar hakynda aýtmazdan ozal ýedi ölçäp bir kesiň. Şeýle aç-açanlyk öňi bilen işgärler boýunça menejeri eserdeň bolmaga itergi berer: başlygyň iňirdemegine belki sen sebäp bolansyň? Täze işdeşleriň arasynda hem birden belaň körügi siz bolaýmaň?

Pul esasy zat däl
Ikinji şert: siz ozalky kompaniýany ýeterlik tölemändigi üçin terk edendigiňizi hem aýtmak gerek däl. Şeýle jogap rekrutýory siziň deliliňiziň esasan nämeden gelip çykýandygyna hakynda oýlandyrar. Diňe öz girdeýjisini ýokarlandyrmaga ymtylýan dalaşgär, işine bolan hakyky gyzyklanmasyndan lezzet alýan öz ornuny göz-görtele utdurar.
Onsoň hem rekrutýor kompaniýanyň gadry bilinýän işgärlerini yzly-yzyna olaryň umumy işine degişlilikde sylaglap durýandygyna gowy düşünýär. Eger sizi sylaglamadyk bolsalar, diýmek siz gereksiz işgär ýa-da ýerliksiz talaply işgär diýip hasap eder.
Şonuň üçin işden çykmagyň sebäbini az zähmet haky diýip düşündirmezden öň gowuja oýlanyň. Eger siz barybir az zähmet haky hakynda belläp geçmek isleseňiz, öz pozisiýaňyzy şeýleräk beýan etmäge taýyn boluň: umumy işe goşandyňyz hakynda aýdyň, öz hünäriňiz boýunça zähmet hakyň görkezijisiniň ortaça bazar görkezijilerine salgylanyň. (Şeýle maglumaty Superjob.ru portalynyň neşir edýän «Зарплатомер» žurnalyndan tapyp bolar)
Bu şerte dalaşgäriň öz ýolbaşçylary bilen gürleşmek arkaly girdejisini ýokarlandyryp bilmeýän býujet edaralarynda işlän ýagdaýlaryny degişli etmek bolmaz. «Men oglumyň gatnaýan çagalar bagyna köp wagtymy öz oglumyň ýanynda geçirmek üçin lukman bolup işe ýerleşdim. Ýöne men tiz wagtda şeýle zähmet haky bilen köp zatlardan geçmeli boljakdygyma düşündim» - diýip beýan edilen täjirçilik hassahanasyna şepagat uýasy wezipesine dalaşgäriň şunuň ýaly düşündirşi has ýerliklidir.

Çökgünli belasy
Üçünji şert: «Meni çökgünlik üçin işden çykardylar», «Kompaniýada iş orunlary kemeldildi, şeýdip men hem işimi ýitirdim» diýen ýaly jümlelerden seresap boluň. Kadrowikler gowy hünärmenlerden hatda, amatsyz döwürlerde hem aýrylyşmaga howlykmaýandyklaryna gowy düşünýärler. Iş orunlaryny pugtalandyrmakda hem gadry bilinýän işgäre el degrilmezligi hem ikuçsyzdyr.
Eger-de şeýle ýagdaý hakykatdan hem bolan bolsa, barjamly iş berijä kemeldilen iş ornunyň näme üçin edil siziň wezipäňize düşendigini düşündirmäge çalşyň. «Ykdysady şertler biziň uly bolmadyk kompaniýamyzda ähli zatda tygşytlylygy saklamaga mejbur etdi. Şol sanda event-menejeri hem aýyrmagy makul bilip, ýygnaklara we maslahatlara edilýän çykdaýjylar hem iň pes derejä çenli kemeldi. Ýagdaýlar has ýitileşdi, ýöne men ozalky işdeşlerime toplan tejrebäm üçin minnetdardyryn» - diýen ýaly düşündiriş has ownukçyl rekrutýoryň hem hötdesinden geler. Eger kompaniýanyň eýesi çalyşsa hem täze direktor tutuş komandany çylaşan bolsa, şeýle ýagdaýy işgärleri seçip almak boýunça menejere düşündirmek has ýeňil bolar.
Gürrüňdeşlige taýynlanylanda tejribeli rekrutýoryň aç-açan ýalany aňyp bilýändigini nazara alyp, rahat we hakyky jogabyň tersine, gürrüdeşiňize özüňi aldyrmaga ýardam edýändigini ýatda saklaň. Hakykatçyl boluň, ýöne ýokarda aýdylan şertleri hem berjaý ediň, onsoň hem berk belläň: diplomatiýa täsinligi döretmäge ukyplydyr.

Dogry aýdylan sözler

aý biri almasa ýene biri. işe kabul ediljek bolup uly alada edip, azara galyp kösenmäň. bolsa bäş, bolmasa ýigrimbäş.

Да! Дипломатия действительно творит чудеса!