Bes maňa

olya· 18 aprel 2012 ý. 04:30 · 384 gezek okaldy· halanan: 22ertir.com

Bes maňa

Özgäniň aklyna mätäçligim ýok,
Allaň beren akyl-huşam bes maňa.
Idege-soragaýetmezçilik ýok,
Dosty-ýarym, deňim-duşum bes maňa.

Bar günüm agtaryp, ýok günüm idän,
Sözüň aşyklary, siz meniň didäm.
Ile hyzmatetmek borjum, wezipäm,
Şu borjum, wezipäm, işim bes maňa.

Ýyllargeçipgitdi ýagyşly, garly,
Ýaşajag-a bolduk messep, ygrarly.
Dert çekip, dişlermiňon bäşi galdy,
Nan iýmäge on bäş dişim bes maňa.

Dünýäň gözellerniň odunda ýandym,
Hem söýdüm, örtendim, nagmalar ýazdym.
Yşkyň humaryndan az-kem aýňaldym,
Indi görýän süýji düýşüm bes maňa.

Tanajak bolsaňyz, kitabym açyň,
Käbämdir il-günüm, şygrymdyr-hajym.
Sakgalym çalaryp, agardy başym,
Agarmandyr gözüm-gaşym bes maňa.

Dogradogry diýdim, gitmedim terse,
Namartlardan gaçdym, gol ýapdym merde,
Az görmen, Hak sylap näçe ýaş berse,
Saglyk bilenýaşan ýaşym bes maňa.

Atamyrat Atabaýew

Arhiwiň ýagdaýy

● Doly tekst

● 27/27 teswir saklanypdyr

Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗

Teswirler 27

olya 18 aprel 2012 ý. 04:33 +2

öň yazylan bolsa bagyslaň

yhlas 18 aprel 2012 ý. 04:39 +4

Atamyrat aga özi barada goşgy yazmany gowy goryar oytyan 🙂

gowja goşgy eken.

Turkmentug 18 aprel 2012 ý. 04:44 +3

Tanajak bolsaňyz, kitabym açyň,
Käbämdir il-günüm, şygrymdyr-hajym.

aý Atamyrat agada ...

EtaLon 18 aprel 2012 ý. 04:45 +2

Al onda +

touareg 18 aprel 2012 ý. 04:47 +2

Göwnüniň razylygyny aýtmak üçin ýazan goşgusy öýdýän

D^G 18 aprel 2012 ý. 04:50

paylasip dur ..

Kerki 18 aprel 2012 ý. 05:46 +1

Soñky döwür Atamyrat Atabayey-ñ gosgylary köp yazylyar sagja bol.

Feya 18 aprel 2012 ý. 05:52 +1

Atamyrat Atabaýewiň goşgularyny gowy görýän. Biziň durmuşymyz bilen deň gelýär, ýörüte özüm üçin düzülen ýaly duýýan. Sag bol paýlaşanyňa olýajan.

Dogra dogry diýdim, gitmedim terse,
Namartlardan gaçdym, gol ýapdym merde,
Az görmen, Hak sylap näçe ýaş berse,
Saglyk bilen ýaşan ýaşym bes maňa.

ine, jüp bolaýdy şula.

myahriban 18 aprel 2012 ý. 06:02 +1

Feya:
Atamyrat
Atabaýewiň goşgularyny gowy görýän. Biziň durmuşymyz bilen deň gelýär, ýörüte özüm üçin
düzülen ýaly duýýan.
Sag bol paýlaşanyňa
olýajan.

Dogr
a dogry diýdim,
gitmedim
terse,
Namartlardan
gaçdym, gol ýapdym
merde,
Az görmen,
Hak sylap näçe ýaşberse,
Saglyk bilen ýaşan ýaşym bes
maňa.

ine,
jüp bolaýdy
şula.

FEYA goldayan, menem halayan shahyrlarymyn biri ATAMYRAT ATABAYEW