Garry goja, agtygy we eşek
Gadym eýýamlarda obaly bir garry goja agtygyny alyp, eşegine münip, bazarlamak üçin şähere gidipdir. Sadaja goja ýolda barýarka deňinden geçýän adamlaryň çala eşidilýän hyşy-wyşysyndan biynjalyk bolupdyr.
Adamlar:"Serediň-ä bu goja, özi ullakan adam bolup eşek münip barýar, ejizje agtygjagy bolsa pyýada. Heý-de ullakan adama gelişjek hereketmi şu?" diýýän ekenler.
Goja bu gepi eşidipdir-de utanyp, eşekden düşüp agtyjagyny eşege mündirip, özi hem eşegini idip gidiberipdir.
Bir salymdan adamlarynyň gepini eşidip garry gojanyň ýene keýpi gaçypdyr.Adamlar bu gezek: "Serediň muňa, döwrüň çagalary-da, atasy pyýada barýar, özi hem gaýşaryp eşeklije. Asyl çagada günä ýok-la oňa terbiýe berip bilmediklerde günä..." mazmunly gep edýän ekenler.
Goja bu gürrüňi eşidip arkaýyn ýöräp bilmändir we eşege münipdir we agtyjagyny hem öňüne mündirip gidiberipdirler.
Adamlaryň agzy durmaýar ahyry. Bu gezek hem olar: "Heý muňa seret ahyry. Adam adam bolsa haýwana nebsi agyrmazmy? Görgüli eşejige ýüklerini ýüklänleri bir, özleri hem iki bolup münipdirler. Ynha haýwan duşmany zalymlar!" ýaly gürläp başlapdyrlar.
Goja öz ýanyndan bu gürrüňleri makullap eşekden düşüpdir we agtyjagyny hem düşüripdir we eşegi bazara tarap idip başlapdyr. Şeýdip indi-hä boldy öýdýän diýip ýöräberipdir welin...
Bu gezek hem ýanyndan geçip barýan adamlar gülüp geçip ugrapdyrlar. Özleri hem: "Bu alasamsyklara serediň-ä. Ne gözel eşekleri boş ýarym barýar bular bolsa pyýada." diýip gülýän ekenler.
Haýsy size laýygrak? Siz haýsysyny saýlardyňyz?
Goja eşekde(16%, 4 adam)
Agtyk eşekde(8%, 2 adam)
Goja we agtygy eşekde(66%, 16 adam)
Goja we agtygy pyýada, eşek boş(8%, 2 adam)
Arhiwiň ýagdaýy
● Doly tekst
● 14/14 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 14
Bärde berilmek islenýän sapak adamlaryň diýenini hutma-hut etjek bolsaň käte ýol galmaýanlygy. Kä wagt öz kararyňy berip bilmekdir. Menem bir ýerlerden okapdym ýöne çeşmesi, dogrusy, ýadyma düşenok. Dykgatyňyza.
Hehehe! Adamalaňam göwnüne ýaranyp bolanok.. Minnetdar. Haladym
kim name shony diysin diyip atamy mindirdim. Ilin kepine gitsen kop zat bolmaly bolar. Il agzyny bogup bolmaz diyip nakylam badymy?
Ay gowsy Goja esekde yoresin! oglanjyk entek yash! gapdalyndan yoresede zat bolmaz!
Goja we agtygy eşekde iň gowusy şudyr kim näme diyse diýsin
Dine oz bilyanini etmeli olar eyle beyle diydi diyip uytgetmeli dal
Gowy tema haladym,bir tarapdan adamlaryn gep -gybaty adamy terbiyeleýär bir tarapdan bolsa ýalny$ yola atarýar,kyn güne salýar(gojanynky ýaly)meñkice köp ýerde gepe söze gulak asman öz kellan bn etmelimika diýýan(özumiz ucin,zerur,amatly zatlary)
Подумай, сколько ты мог бы сделать, если бы не чужое мнение - öň hem ýazypdym şu pikiri. hakykatdan hem adamlaryň pikirine eýerip gitjek bolsaň nirden çykjagyň belli däl, çykmak näme orta ýolda ýykylyp galmagyňam mümkin. olar diňe dillerini gürledip bilýärler, emma gerek ýerinde saňa ne kömek etjek ne-de habaryňy aljak. olara tapawudy ýok, sen ak hem bolsaň gep gara-da bolsaň gep. durmuş seniňki, nähili ýaşasaň hem özüň düzmeli öz sçenariýaňy!
Il agzyny yygyp bolmaz chelek agzyn bogup bolmaz.
ol ýaßok eßegi oýnapdyraý, bir mûnûp bir dûßip
bash sahypa chykarjakdym welin, ashakda chykyan eken. onda-da halanan yazgylaryn icinde durmaga mynasyp tema!
Beren bahaňyz üçin sagboluň.
men bu hekayan studentli wariantyny eshidipdim,umuman bilip goyaymaly hekaya
даш