Mertler şindem özün oklaýar suwa, Namartlar şindizem köprüden barýar. (Sygan bagşy poemasy)

                      2 <br />

Ol ýyllar men on dört ýaşly çagadym
Bardy meniň ýönekeý bir sagadym,
Könedi. Mendenem dogupdy öňräk.
Ýitirdim. Agladym. Gözledim eňräp.
Ol ýyllar men eýýam ýigit çykypdym
Yşyk dagyny gerdenimde çekipdim.
Aýra düşüp wysalyndan Lälämiň,
Näçe ýyllar agtaranym nämälim.
...Sagadam edindim-iň soňky moda
Söýgüme-de duşdym,-bir ýanar oda
Birden elim maňlaýyma ýetirdim.
Bu gün nädip, nädip seni ýitirdim?
Ötdü kerwen, geçdi kerwen düzümden.
Şeýdibem sen gaýyp boldyň gözümden
Sökeýin sährany, gezeýin çöli.
Ýarsyn dodagymy epgegiň ýeli.
Çapar alyp çar tarapa çapaýyn,
Ah, nireden, nädip seni tapaýyn?
Sygan bagşy.
Juwan bagşy,
Jan bagşy
Merdan bagşy
Soltan bagşy
Han bagşy

                                        3<br />

Gülseň gözüň süzüldi,
Üstüňde jan ezildi
Ah, garagöz garagöz,
Gitseň meýlis bozuldy.

Dur diýlende durdyňmy?
Duryp hile gurdyňmy?
Ah, gargöz,garagöz,
Özgä köňül berdiňmi?

Köşeşerden ir gelin,
Gabrystana gir gelin.
Aglasaň gözýaşyňy
Ýandak bilen syr, gelin.

Ýuwaş-ýuwaş sowanyň,
Aňan eken Syganyň
Soňam...hoşlaşmak üçin
Saklan eken Syganyň

Gözü düşüp durmasa,
Agtarypdyr ýoklapdyr,
Seniň gara saçyňa
Gije diýip uklapdyr.

Şol uklaşy. Galmady.
Pelek, munyň bolmady.
Mukamsöýer türkmenim,
Dragtyň boý almady.

                    4   <br />

Biz juda kän bardyk-sazyňy sorap
Biz juda az bardyk-halyňy sorap
Şeýdip, biz özümiz ýitirdik seni,
Biz seni özümiz bilmedik gorap.
Diýerdik: “Howlukma, dursana, Sygan.
Pylany toý edýär, ýörsene, Sygan”
Diýerdik ýagdaýyň görüp dursagam:
“Hany şujagazam ursana Sygan”
Indem durus baş ujyňda yzlaşyp:
“Bir göter başyňy tursana Sygan”
Ötdi kerwen golda galdy dostlaryň
Seni ýollap ýolda galdy dostlaryň
Bu panyň oýnuny görsene Sygan.
Bagyşla, Tursana, ýörsene Sygan...

                      5<br />

Aç gözüňi nazar aýla daglara,
Olar seniň dutaryň deý dymyp dur
Güýz topragy bilbil uçan bagyndan
Mahym gyzyň gözýaşy deý damyp dur
Garly daglaň awlagynda aw görüp,
Öz awyňy haýsy awça awlatdyň?
Aglama diýip Mahym gyzy diňdirip,
Näme birden uly ili aglatdyň?
Garaganyň gara bagryn gan edip,
Ýaş akdyryp Bäherdeniň gözünden,
Şinden seniň Sona boýlyň sallanyp,
Hanha barýar Ýolöteniň düzünden.
Ýeri, nirä gitdiň bir gezek tutman
Ýüregiňde arman goýan goşardan?
...Daş çyksam owazyň içerden gelýär
Öýe girsem ýaňlanyp dur daşardan.

                              6<br />

Ötdi kerwen, geçdi kerwen çölümden.
“Hoş gal, sähram, hoş gal, bolanok gaýdyp”
Hergiz namart köprüsinden geçmediň.
Gark bolup derýadan galdyňmy şeýdip

Üstüniň şol gadym köprüsi bilen,
Akyp ýatyr seni gark eden derýa.
Mertler şindem özün oklaýar suwa,
Namartlar şindizem köprüden barýar.
Labyrdan çykmagy gümana eden
Gümman derýa-durmuş bolyp çykdymy?
Gazap edip agdardymy gämini,
Şeýdip düýpsiz ummanyna çekdimi.
...Gara dag dymyp dur-gara dutar deý,
Gara dutar-gara dag deý dymyp dur.
Ýüredimde bolsa ýalňyz owazyň
Şerbet bolyp, melhem bolyp damyp dur.

poema Sowet edebiýaty žurnalynda ýalňyşmasam 1985-nji ýylda çap edilen bolmaly. Awtory Şiraly Nurmyradow

öz temamy ýatdan çykardym. ýaman gowy ýazylypdyr....

yöne dymmaly. bu sozlerden artyk söz gerek däl. Türkmenin sungatynda adyny baş harplar bilen yazdyryp giden bagşy. Sygan bagşy-Orazgeldi Ylýasow

sag bol Merdan aga.

yöne dymmaly. bu sozlerden artyk söz gerek däl. Türkmenin sungatynda adyny baş harplar bilen yazdyryp giden bagşy. Sygan bagşy-Orazgeldi Ylýasow

gaty jaýdar aýdylan söz

1merdan:

yöne dymmaly. bu sozlerden artyk söz gerek däl. Türkmenin sungatynda adyny baş harplar bilen yazdyryp giden bagşy. Sygan bagşy-Orazgeldi Ylýasow

gaty jaýdar aýdylan söz

minnetdar dost temana.

Sag bolun Merdan, Sygan bagshy diyilyan ussat halkyn anynda mudumilik yashar.

dost yekeje soz bilen ULLAKAN SAG BOL!! Bashga sozum yok..

+halandy

Sygan bagshyn milleti nameka?

Orazgeldi Ylýasowyň il içindäki ýörgünli ady Sygan bagşydyr. Ol türkmen aýdym-sazynyň hakyky ussatlarynyň biri bolup, 1933-nji ýylda Ahal welaýatynyň Bäherden etrabynyň Garagan obasynda dünýä inýär. 

pahyryn omri gysga eken 1933-66yyl aralykda yashapdyr.

tuweleme

1merdan:
3

Gülseň gözüň süzüldi,

Üstüňde jan ezildi

Ah, garagöz garagöz,

Gitseň meýlis bozuldy.

Dur diýlende durdyňmy?

Duryp hile gurdyňmy?

Ah, gargöz,garagöz,

Özgä köňül berdiňmi?

Köşeşerden ir gelin,

Gabrystana gir gelin.

Aglasaň gözýaşyňy

Ýandak bilen syr, gelin.

Ýuwaş-ýuwaş sowanyň,

Aňan eken Syganyň

Soňam...hoşlaşmak üçin

Saklan eken Syganyň

Gözü düşüp durmasa,

Agtarypdyr ýoklapdyr,

Seniň gara saçyňa

Gije diýip uklapdyr.

Şol uklaşy. Galmady.

Pelek, munyň bolmady.

Mukamsöýer türkmenim,

Dragtyň boý almady.

Garagôz diyyàmi 🙂 Garagôzûme okap bereyin muny.
Her setiri yurege baryp sinya bu go$gulan. $iraly $u wagt ayatdamyka?

Ýeah bet ýaltan man ýazypsynda. Sagbol