Söýgi sistemasy (final)

Şagyzy bir hepde ýol ýöräp Altygala şäherine geldi. Merkezi galadaky MrZakirbegiň ýanyna girip özüni tanatdy we nädip gelenini düşindirdi.

Soňra şagyzy aklyny meşgul edýän soraglary sorady. “Bize çagalykdan söýgi çipi ýelmenýär, söýgi bilen halas boljagymyz aýdylýar, söýgi bilen bagtly boljagymyz düşindirilýär. Ýöne wagt geçdigiçe aslynda bu söýgiň gözleginde ýada garaşmagynda geçiren günlerimiz bizi bagtsyz edýär. Käte ýalançy şazadalar bilen tanaşan wagtymyz bir salymlyk bagtly duýsak da soňlyk bilen munyň ýalandygyny we bagt däl ýöne bir begenme duýgysydygyna düşinýäs. Bize aýdylanlar Santa Klausyň hekaýasy ýalak ýalan çykýar. Ulaldykça aslynda dünýäde ne erteki bar ne de söýgi, durmuş guranlaryň bolsa hemmesi diýen ýaly söýgi ýalan durmuş guransoň iň ähmiýetli zat çagalar diýýär. Diýmek bar zat ýalan ekeni diýýäs.”

MrZ: ”Söýgi bu dünýäde çöldeki suw ýalydyr. Söýgi duýgusy bar ýöne söýgüliňi gözledikçe senden daşlaşýar. Ýetdim diýeňde eliňden sypýar. Söýgi suwsyzlyk duýgusyna meňzeş. Suwsyzlykda suw gözlärsiň, ol wagt sen üçin suwdan ähmiýetli zat ýokdur. Suw üçin gerek bolsa janyňy berersiň. Ýöne çölde ýaşaýan bolsaň, eliňde suw ýok bolsa, saňa daşarda bir suw howdany bar ýaly görüner. Ylgap yzyndan gidersiň emma eliňe gum geçýär. Söýgä aç adamyň ýagdaýy hem hut şeýle, söýgülisini dünýäde gözläp taparyn öýdýär. Emma dünýäň aslynda bir çöldüginden habarsyz. Eliňe az kanagatlanjak derejede suw berilýär. Kanagat etseň senden bagtly adam ýok, kanagat etmeseň ynha durmuş” - barmagy bilen şagyzyna yşarat edýär- ”ylga da ýör yzyndan.”

Şagyzy: “Ýöne men kanagat ediljek derejesini hem tapmadym, men asyl soramak isleýän zadym gara şazadalar we näme üçin bize doglan wagtymyz söýgi iň ähmiýetli zat ýaly gönükdirilendigi.”

MrZ: “Adamlaryň arasynda bir network bar. Muňa jemgyýet diýsekde bolýar. Mundan iki üç asyr öň 1@jj3b nikli bir h@ker bütin networky eline geçirip täze bir sistema gurnady. Ol gara şazada diýlen h@kerler bolsa şol sistemanyň terbiýelän şazadalary. Bu sistema ähli doglan çagalaryň çipine doglan wagtyndan söýgi programmasyny ýükleýär. Bu çagalar - diňe söýgi - diýlen programma bilen ýaşaýar.”

Şagyzy: “Bäh, şu wagt düşindim. Ýöne näme üçin söýgi?”

MrZ: ”Sebäbi kän. Adama gaty täsir edýän iki hadysa bar. Biri dogulmak beýlekisi ölüm. Dogulmak sebäpler planynda söýgä bagly. Ölmek bolsa sebäpler planynda keselliklere, belalara bagly. Şonuň üçin adam söýgüni söýýär, belalardan gorkýar. Söýgüniň bu güýçli täsirini öwrenenler söýgüni reklama etmek bilen adamy dowamly söýgi bilen meşgul etmek isleýärler.

Şagyzy: “Ýagny 1@jj3b hem şonuň üçin sistemamyza söýgüni ýükleýär?”

MrZ: “Hawa edil özi. Adamdaky iň güýçli duýgulardan biri bolan söýgi bilen özüne baglaýar. Radio, TW, kinolar, piýessalar, reklamalaryň ählisi bu söýgi programmasyna görä ulalýan ýaşlaryň talaplaryna laýyk şekilde görkezilýär. Söýgi bilen meşgul edýär adamlary. Şeýlelik bilen sistemanyň dowamlylygy hem garantiýa alynýar. Käte sistemadan çykjak bolýanlary ikinji güýçli duýgu bolan ölüm bilen gorkyzýar. Paranoiak edýär. Garaz adamlar Romantizm we Paranoiaň arasynda, iki gapanyň arasynda galan syçan ýaly...”

Şagyzyna soň näme bolanyny bilmeýäs.

Based on a true story of modern human...

The End