Ah bu dünýä üşäpdir. Mähre çoýana mätäç.

Kimler dünýäden ötdi,
Kimler gelmäge mätäç.
Kimleriň başy dertli,
Halas kylgana mätäç.

Her kim seri dumanly,
Müň, arzuw müň hyýally.
Bu ömürler sowally,
Dürüs çözene mätäç.

Her kim ýolagçy ýolda,
Goý bolsyn niçik pälde.
Akyl almaga dälde
Akyl bermäge mätäç

Aýna göwnü zeň bilen,
Hem örtügli çaň bilen.
Wah bir halal el bilen,
Ýüzün sylana mätäç.

Kim gülüp kim aglap dur,
Bir-biregi talap dur.
Ömürlerden nalap dur,
Bagty çüwene mätäç.

Kimler göwnün hoşlapdyr.
Kimler kalby boşapdyr.
Ah bu dünýä üşäpdir.
Mähre çoýana mätäç.
(Arazgül. Dädebaýewa. Diýar)